Accessibility links

дүшәмбе, 5 декабрь 2016, Казан вакыты 19:36

Ğıraqta İntixar Höcümnärendä 100dän Artıq Keşe Ülde


Çärşämbe könne Bagdadta intixar höcümçe 100dän artıq keşene üterde. Şartlağıçlar tutırılğan mikro avtobus belän tözü eşçäläre eş kötkän maydanğa kilgän terrorçı maşinanı şartlatıp üzen häm eşçelärne havağa oçırdı.Sonğı köç qullanu Ğıraq prezidentı Jalal Talabaninıñ Washingtonda ildä iminlek şartları yaxşırdı dip belderüennän soñ ber kön ütkäç buldı.G.Bush belän dä oçraşqan Talabani 2006 yıl azağında Ğıraq xärbiläre amerikan ğäskäriläreneñ urının ala başlar digän ömed tä belderde

Bügen Bagdadta bulğan intixar höcüme bik osta oyıştırılğan häm bik tä qanlı ide. Bagdadnıñ başlıça şığılar yäşägän Qadimiya maxalläsendä tözü eşçäläreneñ nindi dä bulsa eş tabu ömede belän här kön cıyılğan maydanğa şartlağıçlar tutırılğan mikro avtobusu belän kilep tuqtağan terrorçı , monda kilegez min küp sanda eşçälärne tözü urınına alıp baraçaqmım dip äytä häm xalıq cıyılğaç maşinanı şartlata ,üze häm 100 artıq keşe ülä 160tan artıq keşe yaralana.Maydanda kötkän eşçelärneñ berse Hadi wazğiätne Reuterğa bolay dip taswırlağan:

Bez anda cıyılğan idek ber dä kötmägändä maşina şartlap tirä yaq ut tuzan häm qaranğılıqqa kümelde, keşelär qaça başladı.Xaos xasıyl buldı.

Bagdadnıñ AlQarx meditsina departamentınnan Hazim al-Jumaili Reuterğa, här 3 klinika şunduq aşığıç yardäm xastaxanäsenä äyländerelep yaralılarnı qabul itä başladı,wazğiät kontrol astına quyıldı dip söylägän.

Prezident J.Talabani Washingtonda iminlek eşlärendä progress bar dip söylägändä bügenge bombalau häm başqa üterülär ,ğıysyançılarnıñ suğışırğa qararlı buluların kürsätep tora. Talabani, Prezident G.Bush belän sişämbe könne ber säğätlek oçraşu ütkärgännän soñ urtaq mätbuğat oçraşuında bolay dide:

İlebezdä iminlek mäsäläsendä täräqiät bar. İntixar höcümnäre kimede .Elek terrorçılar kontrolendä torğan bülgälär xäzer irekländerelgän , xalıq yaña saylawlar öçen terkälä

Washington säfärennän elek Talabani iminlek şartları Amerikan xärbiläreneñ yıl azağında çigenä başlauına mömkinlek biräçäk kebek fikerlär beyan itkän ide . Anıñ bu ängämäse Washington Post basmasınıñ internet säxifäsendä ide, ul şuşı ängämädä minemçä 40-50meñ amerikan ğäskärie yıl azağında çığıp kitä ala digän ide.Ämma sişämbe könne ul yaqın kiläçäktä AQŞ xärbiläreneñ sanın kimetü turındağı fikerlärgä qatğıy räweştä qarşı buluın äytep , 2006yıl azağında Ğıraq xärbiläre amerikannnarnıñ urının ala başlar digän ömed belderde .Talabani süzlärençä:

Amerika wä xalıqara köçlärneñ Ğıraqta toruı Ğıraq häm Yaqın Könçığış demokratiäse öçen möhim häm bu şulayuq çit illärneñ Ğıraqneñ eçke eşlärenä tıqşınuın tuqtata.Waqıt grafikası bilgeläw terroristlarnı super däwlät häm ğıraqıllarnı ciñärbez dip qıyulandıraçaq

Mätbuğat oçraşuında Talabani belän bergä çığış yasağan G.Bush Amerika Ğıraqnı yalğız qaldırmayaçaq ,birgän wäğdäsendä toraçaq, Ğıraq dönya demokratiäläre arasındağı urının alaçaq dip söyläde

Bügen Bagdadta in kimendä 9 intixar höcüme oyıştırılğan . Al Qaida internet säxifäsendä Ğıraqta üç alu mäqsatında intixar höcümnäre dulqını başlatıla dip kisätä färidä xämit
XS
SM
MD
LG