Accessibility links

шимбә, 10 декабрь 2016, Казан вакыты 13:46

Rusiä NATOnıñ terrorğa qarşı çaralarına qatnaşaçaq


AQŞ saqlanu ministrı Donald Rumsfeld, Waşington Äfğanstandağı ğäskärläreneñ sanın 20%qa kimetergä cıyına digän xäbärne kire qaqtı. Rumsfeld inde ikençe kön Germaniädä NATO saqlanu ministrları belän söyläşülär uzdıra, köntärtibendä Äfğanstanğa östämä NATO häm AQŞ citäkçelegendäge xärbi köçlär kitertü. Oçraşudan soñ NATO general sekretare Jaap de Hoop Scheffer, NATO häm amerikan ğäskärläre arasında tığızraq xezmättäşlek kiräk, dip belderde:

"Yaqınraq xezmättäşlek öçen kübräk oyıştıru çaraların kürergä kiräk. Xezmättäşlek möhim ikänen añlap bez detallär turında söyläşüne däwam itäbez, misal öçen idärä itüne oyıştıru. Ämma azsızıqlap äytäm – bez ber qaraşta torabız," dide NATO general sekratere.

Fransiä saqlanu ministrı Michele Alliot-Marie, sişämbe könne, ike missiä ber idärägä alına almıy, dip beldergän ide.

Ğinwar ayınnan başlap Urta diñgezdä NATOnıñ terrorğa qarşı çaralarına Rusiäneñ xärbi köymäläre quşılaçaq. Bu xäbärne Rusiä saqlanu ministrı Sergei İvanov ta rasladı.

XS
SM
MD
LG