Accessibility links

чәршәмбе, 7 декабрь 2016, Казан вакыты 11:38

Tönyaq Korea söyläşüläreneñ 2 köne: zur alğa kiteş yuq


Qıtay başqalasında Tönyaq Koreanıñ atom programması turındağı söyläşülärneñ ikençe könendä bügen Pxenyan häm Waşington wäkilläre üz qaraşlarında qaluların belderde. Söyläşülärdä zur alğa kiteş bulmadı, dip xäbär itelä. Tönyaq Korea diplomatı Kim Kye Gwan, Tönyaq xärbi bulmağan maqsatlarda atom energiäsen citeşterü yaqlı, dip belderde. Xökümät, töçe su reaktorı tözüdä yärdäm sorıy, dide ul. Amerikan aradaşçısı Christopher Hill, tınıç maqsatlarda atom energiäse citeşterügä qädär Tönyaq Korea xäzerge cihazların yuq itergä tieş, dip sanıy. Anıñ fikerençä, töp maqsat – Korea yarımutrawında atomnı beterü:

"Töp mäsälä – Korea yarımutrawın atomsızlaştıru. Korea cömhüriätennän alarnıñ monı niçek küz allawları häm ğämälgä quyuları turında işetäsem kilä. Bezneñ maqsatıbız – Tönyaq Koreanı atom eşennän çitläşterü," dide Hill.

Amerikan diplomatı – töçe su reaktorı tözeleşenä yärdäm itmäw yağında buluın äytte.

XS
SM
MD
LG