Accessibility links

якшәмбе, 4 декабрь 2016, Казан вакыты 19:26

Tömän qızı Miläwşä ministrlıqta iñ çibäre


Miläwşä İbrahimova Ğädättän tış xällär ministrlığınıñ İdel buyı häm Ural töbäge buyınça iñ çibär qızı buldı. Bügenge köndä bigräk tä çibärlär bäygesendä ciñüçelär turında xäbär tiz tarala. Sarıtaw şähärendä ütkän bäygeneñ näticäläre şimbä könne kiç belän genä bilgele buldı. Ä Tömändä isä, töngä qarşı Miläwşäneñ, Ğädättän tış xällär ministrlığınıñ Tömän ölkäse buyınça xezmätkäreneñ, ciñüe turındağı xäbärne urındağı mäğlümat çığanaqları belä ide inde. Şuña kürä, ikençe könne oçqıçnı qarşılağanda radio-televidenie, gazeta jurnalistları da xäyran buldı. Ä iñ zarığıp kötüçelär Miläwşäneñ enese İlnur, ätise Äkräm, änise Mönirä ide.

-Miläwşä şul konkursı aldınnan bik borçıla. “Äniem, niçeklär genä ütkärep cibärermen”,- di. Min äytäm: “Borçılma qızım! Şuñarğa omtıldıñ inde. Barlıq omtılışlarıñnı tormışqa aşır”,- didem.

-Qız keşeneñ xärbi kiem kiüe niçegräk?

-Ä min üzem dä xärbi bulğaç, moñarğa ber dä isem kitmi. Xatın-qıznıñ härber cirdä eşli aluın dälilläw genä bu.

-Sezneñ forma kiüegezgä niçä yıl buldı.

-1 nçe oktäberdä 13 yıl bula.

-Stroyğa da basırğa kiräk, tezelergä dä kiräk, atlarğa da kiräk.

-Şulay barsın da eşlärgä kiräk. İr keşelär belän ber safta bulırğa kiräk.

-Xatın-qıznıñ güzällegen qırıslandırmıymı bu äyber.

-Yuq. Berdä qırıslandırmıy. Menä bezneñ eştä xatın-qızlar san buyınça äzräk ir keşelärdän. Şuña kürä, ir keşelärneñ iğtibarın da toyasıñ, küñellär härwaqıt kütärenke eştä.

-Miläwşäneñ ciñep çığuına küñelegez ışanğan ideme?

-Üze quyğan maqsatqa ireşä torğan ul. Işandım ciñep çığuına.

-Maqsatına ireşä torğan buluı ätidänme, ällä änidänme?

-Ätisennän dä, minnän dä dip uylıym.

Miläwşä Tömän däwlät universitetın psixolog belgeçlege buyınça beterep menä ike yıl inde Ğädättän tış xällär ministrlığınıñ yanğınğa qarşı köräşü xezmäteneñ uqıtu üzägendä eşli. Ul yanğınğa qarşı köräşüçelär dinastiäseneñ däwamçısı. Ätise Äkräm İbragimov bu xezmätneñ polkovnigı, änise Mönirä kapitan.

Miläwşä Tömänneñ “Roşçina” hawa alanınıñ säfärdän kilüçelärne kötü urınına bällür tacın kiep çıqtı. Şul uq sekundta, tuğannar belän oçraşuğa uq, jurnalistlarğa tässirlären söyli dä başladı.

-İsän-saw qayttıñmı, qızım?

-Привет!

-Очень рада. Достойно выступила и победу привезла в Тюменскую землю. Участниц было много- 26. Из всех субъектов Уральско-приволжского регионального центра. Самый трудный был первый день. Бег на 800 метров. Оказание первой медицинской помощи. Надо было сделать искусственное дыхание. Знание нормативных документов. Второй день- мой конек. Это танцы, дефиле. Сейчас выход в финал на «Мисс- МЧС России».

-Знание спасает мир, или красота все-таки?

-Знающая красота. Я так бы ответила.

Miläwşä, iñ berençe çiratta, ciñüne Tömängä alıp qayta aluına quana. Bu bäygedä İdel buyı häm Ural Töbägendäge 21 subyekttan 26 qız qatnaşqan. Ğadättän tış xällär ministrlığında eşläwçe çibär qızlar säxnädä matur itep yörü belän berrättän tiz yögerergä dä, aşığıç meditsina yärdäme kürsätä belergä dä, normativ dokumentlarnı xäterlärgä dä tieşlär. Miläwşä bäygedä yögerü buyınça şäxsi rekordın quydı. 800 metrnı ul 3 minut 35 sekundta kilde. Anıñ näticäsen 4 ball belän bäyälädelär. Ä bişle alu öçen 3 minut 15 sekund kiräk ide. Biü bäygesendä aña tiñnär bulmadı. Törek qızı biüen başqarğaç, bäygene qızıqsınıp qararğa kilüçelär dä soqlanuların belderep, yanına kilep räxmät äytkännär.

Miläwşä Sarıtawğa Tömändä bulğan bäygedä ciñgäç kitte. Ölkä yarışında 11 qız qatnaşqan ide. Ciñüdän soñ: “Ätise türä bit, şuña kürä aña birgännärder”,- digän süzlär dä buldı. Äkräm İbrahimov- Ğädättän tış xällär ministrlığınıñ Tömän ölkäsendäge kadrlar idäräse başlığı.

-Tömändä ütkärgändä andıy süzlär bulğandır, ä menä bu Saratovta ütkän konkurstan soñ, andıy süzlär betär dip uylıym. Ul başqa däräcädä. Berniçek alarğa yaqın kilep bulmıy. Minnän tormıy.

“Min tatar milläte wäkile buluım belän ğorurlanam. Bezneñ tatarlar bik kiñ küñelle, qunaqçıl xalıq bit. Tuğan-tumaça, dus-işneñ şundıy berdämlegen başqalarda kürgänem yuq äle”,- di Miläwşä. Çınnan da, bäygedän qaytıp töşügä ük İbrahimovlarnıñ fatirına tuğan tumaça cıyıla başladı. Min Miläwşädän: “Bäygedä iñ awırı närsä buldı”,- dip soradım.

-Miña iñ awırı çabu buldı. İñ ciñele biü buldı.

-Tatar qızları bar ideme soñ?

-Min belmim inde, tatarmı, rusmı ikänne. Tatarstannan ber qız bulğan ide. Yekaterinburgtan İbragimova bar ide. Minem dä familiä İbragimova bit.

Ğädättän tış xällär ministrlığınıñ İdel buyı häm Ural töbägendäge iñ çibär qızı Miläwşä İbrahimova bu bäygedän soñ: “Ğilemle çibär qız ğına dönyanı qotqarır”,- di.

Nail Alan. Tömän

XS
SM
MD
LG