Qazan Yawız İvan ğäskäre tarafınnan monnan 453 yıl elek, iske stil'' belän 2 oktäberdä, yaña stil'' belän 12 alına. Bıyıl isä, däwlätebezneñ bäysezlegen saqlap qalu öçen häläk bulğan şaxitlärne iskä alu çarası 12се eş köne bulu säbäple, 15 oktäberdä şimbä könne ütkäreläçäk. Qazanda älege çarağa äzerlek eşläre başlanıp kitte dip uzğan tapşıruıbızdı xäbär itkän idek inde. Pänceşämbe kiçendä Qazannıñ milli oyışmaları bergä cıyılıp, Xäter könendäge eşlärne büleşäçäkbez dip xäbär itte Azatlıq radiosına Milli şura räise Räşit Yagfarov.
- Milli oyışmalarnıñ nindiläre xäter könendä qatnaşaçaq? - “İctimaği üzäk, “Möselman xatın-qızlar bergälege”, “Milli mäcles”, “Möselman tabipları cämğiäte”, “Rusiä İslam mirasınıñ Qazan bülege”, “Mäxällä”, “İdel – Ural”, “Mäğärif” oyışmaları bergä cıyılıp Xäter könen uzdırırğa cıyınabız”. - Pänceşämbe bulaçaq oçraşuda süz närsä turında baraçaq? - Şuşı cämğiätlärneñ citäkçelären häm aktivistların cıyıp, Xäter könendäge eşlärne büleşäçäkbez, kem närsä eşli. Bıyıl dus bulıp qına böten milli cämğiätlär bergä cıyılıp ütkärergä isäpläp torabız. Ägär dä şäxsi keşelär bulışırğa teli ikän bezgä möräcäğät itä ala. - Oyıştıru kamitetı citäkçeläre itep kemnär bilgelände? - Böten tatar ictimaği üzäge räise Tälğät Bariev häm min bilgeländem. Xäter köneneñ töp ssenariy üzgärtelmiäçäk, läkin aña üzgäreşlär kertergä uylıybız.
Gölnaz Şäyxetdinova
