Accessibility links

Кайнар хәбәр

"İdel buyı yoldızı" nigä törek KGBsı turında yaza?


“Звезда Поволжья” gäziteneñ başta ber säyer dä, qızıqlı da yazmasınnan süzne başlıyq äle. “Törek KGB”sı dip atala bu yazma. Säyerlege şunda ki, bu yazmada Ramazan Yır digän, Törkiä däwlät iminlege xezmäteneñ general'' direktor urınbasarı üzeneñ direksiäsenä yazğan xatı. Anda Süz, Törkiädä tanılğan din eşleklese, däğwätçe Fätxulla Gülängä Törkiädäge qayber ekstremistlar tarafınnan yanawlar bulğanlığı xaqında yazıla. İsemnäre dä birelä. Mäsälän, Törkiädäge Äl-Qağidä oyışması bülekçäse. Şuña kürä, Fätqulla Gülängä iminlek xezmäte tarafınnan yansaqçı birelüe, Gülän Amerikağa däwalanırğa kitkäç tä, älege saqçınıñ anda buluı turında yazıla. Monnan tış, Fätxulla Gülän üzeneñ wäğäzlärendä islami radikal'' köçlärne gel tänqitläp kilüe xaqında süz bara. Şuña radikallar aña yanıylar ikän. Säyerme bu turıda Qazan gäzite yazuı? Ber qaraşqa şulay. Qızığı şunda, Törkiädä däwlät iminlege xezmätkärläre Gülänne saq astında ğına yörtsälär, anıñ iminlege qayğırtsalar, wäğäzläre häm tarafdarları dinara tınıçlıq öçen xezmät itälär dip tabılsa, Rusiädä anıñ tarafdarları ekstremistlar dip bäyälänä. Tatarstanda qulğa alınğan, qayber başqa töbäklärdä inde törmälärgä utırtılğan Nurçılar xäräkäte wäkilläre şuşı Fätxulla Gülän fikerdäşläre inde. İslam belgeçläre tarafınnan, Nurçılar iñ tınıç häm zıyalı möselman törkeme dip bäyälänälär, Törkiä alarnıñ iminlegen qayğırta, rusiädä alar törmädä çerilär. Gäzitneñ bu yazmanı bastıruı bik äybät añlaşıla.

Räfis Cämdixan

XS
SM
MD
LG