Accessibility links

шимбә, 3 декабрь 2016, Казан вакыты 20:52

Pänceşämbe könne Tatarstanda


Tatarstannıñ massaküläm mäğlümat çaralarında saylaw aldı agitatsiä kompaniäse start aldı. 15 sentäberdän başlap, deputatlıqqa terkälgän här kandidat agitatsiä materialın televidenie, radio, gazet aşa dönyağa çığara ala. Kandidatlar şulay uq, saylaw fondı matdälären qullanıp, öndäw materialların kommersiä nigezendä dä bastıra ala, dip yaza İntertat ru elektron gäzite. Ğammäwi mäğlümat çaralarında agitatsiä kompaniäse 15 oktäberneñ tönendä, saylawlarğa ber täwlek qalğaç tögällänä. Saylawçılar tarafınnan Tatarstanda barlığı 8060 deputat saylanır dip kötelä.

6 ay eçendä Tatarstanda xezmät qanunın bozuçı 700dän artıq şirkät häm oyışma terkälgän. Pänceşämbe könne respublikanıñ eçke eşlär ministrlığı wäkilläre qatnaşlığında uzğan brifingta şulay uq Tatarstandağı şirkät oyışmalarında eşläwçe 1500дән artıq keşeneñ xezmät kileşüeneñ bulmawı da xäbär itelde.

Çärşämbe könne Tatarstannıñ mädäniät ministrlığında narkotiklar belän köräşügä bağışlanğan tarmakara komissiäseneñ utırışı bulıp uzğan ide. 2002 yıldan başlap yıl sayın narkomaniä belän köräşügä bağışlanğan däwlät programmasına byudjettan 65mln. sum aqça bülenä. Tikşerülär kürsätkänçä uzğan yılda programmağa bülengän aqçalarnıñ 5mln. 420 meñ sumı maqsatsız qullanılğan.

Bügenge köndä Tatarstanda terkälgän narkomannar sanı 7 meñ. Şularnıñ 70 protsentı yäşlär. Narkomannarnı däwalawda bigräk tä möhim urında darulardan soñ sotsial'-ternäkländerü protsessı. 15 sentäber könne Tatarstanda elekke narkomannar belän eşläwçe belgeçlärneñ belemen arttıru kursları açıldı. Qazan häm Yar Çallı sotsial'-ternäkländerü üzäkläre belgeçläreneñ belemen respublika narkologiä dispanserı, Qazan däwlät meditsina akademiäse ğalimnäre häm psixologlar kütärä.

Al'bina Zäynulla

XS
SM
MD
LG