Ğiraqta terror höcümnärendä kimendä 23 keşe häläk buldı

Ğiraq başqalasındağı höcümnärdä bügen kimendä 23 ğiraqlı häläk buldı. Kiçäge şartlawlarda 150gä yaqın keşe ülde. Bügen bulğan berençe höcümdä küpçelege polisiä xezmätkärläre, barlığı 16 keşe häläk buldı. Şähärneñ äd-Doura bistäsendä intixarçı polisiä noqtası yanında üz üzen şartlattı. Başqalanıñ könçığışındağı Humvee bistäsendä ikençe höcümdä ike amerikan xärbie cärähätlär aldı. Tağın ber intixar höcüme yañadan ad-Doura bistäsendä buldı. Anda 7 polisiä xezmätkäre häläk buldı. Räsmilär süzlärenä qarağanda, distälärçä keşe yaralanğan.

Kiçäge qanlı höcümnär öçen cawaplılıqnı üz östenä Abu Musab al-Zarqawi köçläre aldı. İnternetta çıqqan belderüdä, al-Zarqawi Ğiraq şiğilärenä qarşı suğış iğlan itte, dielgän ide.