Accessibility links

сишәмбе, 6 декабрь 2016, Казан вакыты 05:54

Açıq Tatar Universitetı tözelerme?


Tatar millätçeläre bıyıl açılğan Tatar däwlät pedogogika-humanitar universitetı belän qänäğät tügel. Milli universitet ideasın ğämälgä aşıru dip xökümät sanasa, millätçelär bu yuq süz dip baralar. Üzläreneñ rizasızlıqların mömkin bulğan här cirdä belderä kilälär.

“Звезда Поволжья” gäziteneñ soñğı sanında da Tatar ictimaği üzäge räise Tälğat Bariev Açıq tatar universitetı tözü ideyäse belän çığa.

Räşit Äxmätov çığarğan bu gäzittä şulay uq tağın ber qızıqlı yazma urın alğan. Tanılğan tatar yazuçısı Rabit Batulla “Обрусевшие или же русскоязычные?”, yäğni “Urıslaşqannarmı ällä urıstellelärme?” digän yazmasın bastırğan. Anda süz, tatar telen belmägän tatarlar turında bara. Yazmanıñ isemennän añlaşılğança, tuğan tellären belmägän tatar balaları urıstelle tatarlarmı, yäki tatarlığın onıtqan, urıslaşqan tatar olannarımı - Rabit Batulla şul xaqta uylana. Häm näticä yasap, alar barı tik milli üzañnarı bulğan urıs telle tatarlar. Şuña kürä alarnıñ milli ixtıyacların urıs telendä qänäğätländerü östendä dä uylarğa kiräk digän täqdim yasıy.

Räfis Cämdixan

XS
SM
MD
LG