Accessibility links

пәнҗешәмбе, 8 декабрь 2016, Казан вакыты 03:22

Ğasırlar awazı - Rawil Ämirxan: “Şähärneñ ğämäli häm mäğnäwi märkäze”


Bu atnada bez sezne “Ğasırlar awazı” jurnalı belän tanıştırırbız.

“Ğasırlar awazı“ jurnalı ul, 1925 yılda Tatarstan arxiv vedomstvosınıñ “Записки архива” dip çığara başlağan byulleten'- jurnal däwamı. Ul byulleten'neñ çığa başlawına bıyıl 80 yıl tula ikän.

Tatarstan respublikası ministrlar kabinetı qarşındağı baş arxiv idäräse baş belgeçe İl'yas Möstäkimov, belderüençä, 1930 yıllar başında bu byulleten' çığudan tuqtıy. Häm, yañadan Tatarstan arxivçıqlarınıñ jurnalı 1995 yılda torğızıla.Ul “Ğasırlar awazı” yäki rusça “Эхо веков”” dip atalğan jurnal bulıp çığa başlıy. Häm bıyıl inde bu jurnal çığa başlağanğa da 10 yıl bula.

“Jurnal uquçılar dairäse yıldan yıl kiñäyä, jurnal bik populyar. Bigräk tä çit illärdä Amerikada, Törkiädä häm yaqın çit illärdä Belorussiädä Üzbäkstanda , Qazaqstanda, Ukrainada jurnalnı yaratıp uqilar.Millätebezne ruxi tuplaw öçen jurnal üzeneñ köçen kertä ”, - dip belderde ul . Bez annan tağın bu 1000 yıllıqqa bağışlanıp çığarılğan “Ğasırlar awazı” jurnalınıñ bıyılğı 2005 yılnıñ 2 sanı turında iğtibarnı cälep itärdäy nindi materiallarnı äytep ütär idegez digän sorawğa, ul: “F. Xucin belän A. Sitdiqovnıñ “O lokalizatsii v Qazanskoy kreposti istoriçeskoy meçeti Qul Şarifa ”, häm .N.Bolotinanıñ “Razdelyaetsya je Qazanskaya guberniä na şest' provinsiy...” L. Usmanovanıñ “Perwıyı meçeti v Yaponii” dip isemlängän yazmaların atap uza.

Tarix fännäre doktorı Rawil Ämirxan “Şähärneñ ğämäli häm mäğnäwi märkäze” turındağı yazmasında Kreml'neñ oyışu häm üsü tarixın şartlı räweştä biş däwergä bülep kürsätä. Yazmadan ber özek uqıp kitelä.

Xörmätle radio tıñlawçılar, bez sezne sentäberneñ öçençe atnasında “Ğasırlar awazı” jurnalındağı qayber yazmalar belän tanıştırdıq.

Mälikä Basıyr, Qazan.

XS
SM
MD
LG