Accessibility links

шимбә, 10 декабрь 2016, Казан вакыты 04:21

Qazan telefonnarı nomer üzgärtä


Bu comğadan şimbä tönendä Qazanda barlıq telefon numirları üzgärä. Älegä qädär Qazandağı fatir numirları altı sanlı ğına bulsa, xäzer isä cide sanlığa äylänä. Barlıq tanış yäki tuğannarnıñ numirları yuğala dip qurqırğa kiräkmi. Üzgärgän telefon numirların tiz taba alasız. Barı tik numirlar başına ber san ğına östälä. Qazannı urtalay yarıp ütüçe Qazansu yılğasınıñ ike yaq-yağında nindi rayonnar urnaşqanın belsägez - problem numirlar belän kilep çıqmıy. Eş bolay tora. Qazansu yılğasınıñ sul yaq yarında urnaşqan Sovet, Vaxitov, Mdel buyı rayonnarındağı barlıq telefon numirları aldınnan 2 sanın cıyasız. Ä yılğanıñ uñ yaq yarındağı Kirov, Aviatözeleş, Mäskäw häm Yaña Savin rayonnarındağı telefon numirların cıyar aldınnan 5 le sanın östisez. Başqa numirlar üzgäreşsez qala. Yäğni, yanğın xezmäte, aşığıç yärdäm kebek xezmätlärneke. Monnan tış, tögälräk mäğlümatnı Qazandağı beleşmädän dä ala alasız. Numirı şulay uq üzgäreşsez – 09. Monnan tış, Qazan şähäreneñ kodı qısqara. Älegä qädär ul 83 42 bulsa, xäzer isä öç sanlı ğına. Yäğni 843. Cide sanlı telefon numirların küçü tormış taläbe dip añlatalar. Yäğni şähär üsä. Östämä numirlar kiräk. Ä alarnı altı san belän genä citkerep bulmıy. Belgeçlär süzlärenä qarağanda, yaña numirlarğa küçü – elemtä sıyfatında çağılmayaçaq. Şulay itep, comğadan – şimbägä küçkändä Qazannıñ 600 meñ telefonı cide sanlığa äylänäçäk. Älegä qadär cide sanlı numirlar Rusiädä Mäsäüä, Piterburg, Samara kebek şähärlärdä genä bar ide.

Mäçetkä aqça tüläp kertälä

Qazanda Qol Şärif mäçetenä kerergä teläsägez, 20 sum tülärgä turı kiläçäk. Kiläse düşämbedän bu. Mäçetlärgä kerü buşlay bulsa da, Qazan Kirmäne tarixi-arxitektura muzey tıyulığı yaña tözelgän mäçettän az ğına bulsa da şulay itep kerem almaqçı. Monnan tış Kirmän eçendäge, Qazannı urıs yawı alğaç tözelgän Blagoveşçenie saborına da kerüçelärgä 20 sum tülärgä turı kiläçäk. Şunısında onıtmasqa kiräk, Qol Şärif mäçete, Blagoveşçenie kebek ük ğıybädätxanä genä tügel, ä muzey da bulıp sanala.

Tatarstan kinematografistları tatar kino sänğäten buldırırğa teli

Comğada Qazanda Tatarstan Kinematografistlar berlegeneñ VIII qorıltayı uza. Anıñ eşendä 50дән artıq delegat häm yözgä yaqın çaqırulı qunaq qatnaşa. Qorıltayda kino sänğätenä xezmät itüçelär berlekneñ soñgi öç yıldağı eşenä näticä yasadılar. Cıyında Premyer-ministrı urınbasarı – mädäniyät ministrıZilä Wäliyeva, Däwlät Şurasınıñ mädäniyät, fän, mägarif häm milli mäsälälär komitetı räise RazilWäliyev häm başqa räsmilär qatnaştı. Qorıltay qısalarında Qazan kinoxronika studiyäsendä soñgi öç yılda Tatarstan kinematografistları töşergän dokumental' häm näfis fil'mnarnı qaraw oyıştırıldı. Qorıltayda Tatarstanda kinematografiä tarmağınüsterü , respublikada milli kinostudiä төзү мәсьәләләре kütärelde. Bu uñaydan respublikanıñ üz kino töşerü studiäsen oyıştıruğa yärdäm ityne sorap, Tatarstan Prezidentına möräcäğät qabul itelde. Şulay uq berlekneñ yaña idärä sostavı da saylandı. Tatar kino sänğäten üsterü, üz studiäsen barlıqqa kiterü turında süz inde distä yıldan artıq bara. Uzğan ğasırnıñ 30 yıllarında bu eş başlanğan bula. Professional ssenaristlar äzerläw öçen törkem dä tuplana başlıy. Läkin tuplana başlağan törkemne Stalin GULAGlarına ozatalar. Ul çaqta tatar kino säğäte bulmıy qala. Gorbaçev üzgärtep qoruları waqıtında bu ideyä yañadan kütärelde. Xätta, berençe küp seriäle tatar fil'mı da töşerelä başladı. Ällä niçä millon dollarlarğa. Läkin inde distä yıldan artıq fil'm yuq, anı töşerä başlağan rejisser Bulat Mansurov tağın aqça biregez dip kenä cawap birä. Şuña qaramastan, Zöläyxa, Küktaw kebek fil'mnarnı yäş rejisserlar ällä qaylardan aqça yünätep eşläp çıqtılar. Şunıñ belän tatar kino sänğäte burlılıq digän ömet tudırdılar. Comğadağı kinematografistlar cıyınında qabul itelgän möräcäğät, kinostudiä buldıru turında, näticä birerme, kürerbez.

Tatar mäxälläläre tarixı öyränelä

Märcäni isemendäge Tarix institutı, Tatar kongressı belän berlektä “Rusiä imperiäsendä tatar-möselman mäxälläläre” dip atalğan Bötenrusiä fänni-ğamäli konferensiäsen üzdıra. Ul 27 sentäberdä bulaçaq. Soñı yıllarda tatar cämäğätçelge Mäxällä ideyäse tiräsendä yış süz quzğata. Qayber belgeçlär, mäxällä bulıp yäşäwdä tatarnıñ kiläçäktä saqlanıp qaluın kürälär. Häm üseşendä. Çınlap ta bügenge köndä, , başqa millätlär arasında erep yuğalmawnıñ töp tayanıçı itep mäxällä bulıp yäşäw ikänlege çit illärdäge tatar diasporaları isbatlıy. Läkin, Rusiä şartlarında şähär şartlarında, tatarlar başqa xalıqlar belän yort, podyezd, uram büleşkän waqıtta mäxällä bulıp yäşäw mä’säläse älege fänni öyränelmägän. Tatar kongressı belän Tarix institutı bergäläp uzdırırğa niätlägän konferensiä küräseñ, iñ täwdä mäxällä bulıp elek niçek yäşägännär, şunıñ tarixın öyränüne maqsat itep quya. Yäğni, ütkänen barlıy. Ütkännärdän başqa kiläçäk yuq dilär bit.

Räfis Cämdixan

XS
SM
MD
LG