Bagdad. Ğiraqtağı amerikan köçläre bügen, üzläreneñ äle 5-nçe sintäbrdä ük, tönyaqtağı Mosul şähärendä "äl-Qaidä"gä bäyle ike ğisyançı citäkçene totqarlawın xäbär itte. Bu turıdağı belderüdä şularnıñ isemnäre dä iğlan itelä - berençese Äbu Fatıyma digän quşamat belän tanılğan Taha İbrahim Yäsin Bäxär, ikençese - Äbu Şähid quşamatlı Xämit Säyit İsmail Mostafa. Amerikan xärbiläre, Äbu Fatıyma yüldän birle "äl-Qaidä"neñ Mosul şähärendäge bülekçäsen citäkli ide, dip belderä. Ul arada Ğiraqta bügen dä törle höcümnär däwam itte, Bagdadnıñ Äbu Ğraib törmäse yanında bombalı maşinağa utırğan intiharçı amerikan köçläre kizüenä höcüm itte, törmäneñ üzenä dä tup utı açıldı. Amerikan yağı üz yuğaltuları xaqında bernindi dä mäğlümat birmäde.
