Accessibility links

чәршәмбе, 7 декабрь 2016, Казан вакыты 19:26

Germaniädä parlament saylawları


Bügen Germaniädä barğan parlament saylawlarınnan elek ütkärelgän fiker beleşülär Angela Merkelneñ Urta uñ Xristian Demokratik Berlege (CDU),kansler G.Schröderneñ Sotsial Demokratları (SPD)dän kübräk tawış alaçağın kürsätä. Ämma bälkim dä CDU xökümät oyıştırırlıq küpçelekkä iä bula almayaçaq. Tawış birüçelärneñ yaqınça dürttän ber öleşe kemgä tawış biräçägen qarar birmägän ide. Prognoz,täxminnär här närsä xätta CDU belän SPDneñ zur koalitsiä oyıştıruınıñ da mömkin buluın kürsätä.

Bügenge yarış başqa baş bara. Berniçä atna äwäl Schöderneñ ber şansı da yuq dip qarala ide.Ämma ul almannarnı iqtisadi reformalar isemennän sotsial solidarlıqnı qorban itmäskä çaqırğan xisle çığışlar yasap kire säxnägä qayttı. Kiçä ul Berlindä

Üze ğailäse öçen här kem eşlärgä tieş.Här kemneñ- üze häm cämğiät öçen cawaplılığı bar Ämma bik yäş ,bik qart yäki eşsez bulğan öçen üzen qarıy almağan keşegä sotsial däwlät yardäm itä

Şuşı süzlärneñ Merkelneñ iqtisadnı canlandıru öçen Germaniäneñ mul sotsial yardämnären kimetü täqdimnären küzdä totıp äytelgäne bik açıq.Fiker beleşülärdä almannar, ilneñ sotsial yardäm ,lgotaları kimetelergä tieş dip äytsä dä küplär reformalar artığı belän kiñ qolaçlı bulır dip qurqa.Sonğı könnärdä Merkel retorikasın yomşarta töşte:

Bez yaxşıraq eşli alabız.Min moña nıq ışanam,Bez Germaniäne tözedek, İke Germaniäne berläşterdek häm bez Germaniäne uñışlı räweştä 21ğasırğa kertäçäkbez här kemneñ tormışı yaxşıraq bulaçaq Min monıñ öçen eşliäçäkmem , sezneñ yaqlawığız kiräk Bügen Berlinde tawış birgän İlse minem öçen yañasına qarağanda SPD yaxşıraq digän Başqa berse Andrea , Min Merkelge ışanam ul äytkänen eşliäçäk, başqaları kebek wäğdä genä itmi Sonğı fiker beleşü Merkelneñ CDU häm anıñ traditsion berektäşe İrekle Demokratlar (FDP) 46% alıp 51% tawış alaçaq dip kötelä.Yaqınça 48.5% parlamentnı kontrol itü öçen citär ide.Schröderneñ SPDse häm partnärı yäşellär küpçelekne alır dip kötelmi.Ämma alarğa yaña sul partiä Die Linke quşılsa koalitsiä oyıştıru mömkin bulır ide.Die Linke –sullar GDRnıñ eleke kommunistları belän SPDdän ayrılıp çıqqannarnıñ oyıştırğan partiä.Schröder moña qarşı buluın äytte. Küzätüçelär zur koalitsiä mömkin çönki här ike zur partiäneñ reforma plannnarı berbersenä bik yaqın digän fikerdä. Ämma Schröder dä Merkel de zur koalitsiäne kire qağa.Tawış birü urınnarı yaqınça 50minuttan yabıla häm şunduq diärlek berençe prognoz,täxminnnär äyteläçäk. Ämma saylawlarnıñ töğäl näticäse 2 atnadan soñ ğına bilgele bulaçaq. Dresdendä cirle kandidatnıñ kötelmägändä üleme säbäple, saylawlar anda sonraq ütkäreläçäk. Bügenge saylaw näticäläre bik yaqın bulsa , 200meñ keşeneñ tawışı zur rol uynıyaçaq. färidä xämit
XS
SM
MD
LG