Accessibility links

дүшәмбе, 5 декабрь 2016, Казан вакыты 01:26

Germaniä: saylawçılar Merkelneñ ömetlären yuqqa çığardı


Germaniädä yäkşämbe könne ütkän parlament saylawlarında ike möhim bloktan berseneñ dä küpçelek tawış alalmawı , säyäsi citäkçelärne yaña xökümät oyıştıru öçen atnalarça däwam itäçäk manevr, söyläşülärgä etärä.Saylaw näticäläre Angela Merkelneñ urta-uñ koalitsiä oyıştıru ömedlären çälpärämä kitergän kebek, kansler Gerhard Schräder citäklägän Sotsial Demokratlar Partiäseneñ yäşellär belän xakimiättä qalu mömkinçelege dä yuq diärlek. Dönyanıñ 3. zur iqtisadına iä ildäge bilgesezlek şunduq birjada çağıldı.

Merkelneñ Xristian Demokratlar Berlege CDU in küp tawış alğan bulsa da , ul in zur yuğaltuçı bulıp tora. CDU Schröderneñ SPD ciñep ,Liberal Demokratlar belän uñ yünäleşe koalitsiä oyıştıraçaq dip kötelde. Ämma yäkşämbe kiçke näticälär CDUğa şok täsire yasadı.Çönki fiker beleşülärdä kürengäneçä yaqlawçılar 40% tügel ä 35.2% qına ide. Bu Merkelgä parlamentta 225 urın birde. Yäğni näticädä Merkel Schörederdän 1% qına artıq tawış häm parlamentta 3 artıq urın alğan buldı. Berençe näticälär bilgele bulğaç ta Angela Merkel:

Xanımnar, äfändelär saylaw näticäläre kürsätkäneçä qızıl yäşel koalitsiä ciñelde.Bu yaxşı xabär!

Ämma näticälär turında tulıraq mäğlümät kilä başlağaç Schröderneñ Germaniä säyäsi tarixında elek kürelmägän borılış yasağanı bilgele buldı. Saylawlardan elek abruyı töşep yaqlawı 20% tiräsendä genä bulğan Schröder sturm belän kire qayttı.Ul teelvidiniä tamaşaçıları aldına çığıp çın yuğaltuçı SPD tügel ä Merkel dip äytte

Saylawlardan elek närsä yazılğanı tapşırılğanıñ çağıştırsaq yuğaltuçı Merkel xanım . Ul monı tanırğa teiş .Bu çınbarlıq

İrekle Demokratlar FDPnıñ çağıştırmaça uñışı 9.8% tawış ciyuı , 61 urın aluı da Merkelgä Parlamnetta kiräkle küpçelekne birmi. Germaniädä xakimiätne büleşü koalitsion xökümätlär tarixta küp bulsa da 3 partiäle koalitsiädä täcribä çağıştırmaça az. Angela Merkel xökümät oyıştıru öçen Parlamentta 54 urın alğan sullarnı küzdä totmağanda barlıq möhim partiälär belän söyläşülär başlayaçağın belderde. Die linke- sullar partiäse Könçığış Germaniäneñ eleke kommunistları belän SPDdän ayırlıp çığuçılanıñ 4 ay elek oyıştırğan partiä.Sullar belän älegä ber kem dä elemtägä , kerergä koalitsiä oyıştırırğa telämi , alar üzläre dä bez opozitsiädä toraçaqbız dip belderä.

Saylawlar bu könnärdä alman telenä yaña süz ğıybarä- frazalar östäde. Fillär raundı.Saylawdan soñ partiä citäkçeläreneñ oçraşuı. Germaniädä traditsion partiälärneñ üz tösläre bar. Xäzer törle koalitsiä mömkinlekläre turında söyläşelä. Ampel koalitsion- yäğni semafor koalitsiäse bu inde qızıl SPD, yäşellär häm sarı yäğni liberaller FDP dän torğan koalitsiä. Jamaika koalitsiäse Jamaika bayrağındağı qara, sarı häm yäşel töslärgä qarap äytelgän koalitiä yäğni CDU qara, FDP sarı häm yäşellärdän torğan koalitsion xökümät turında .Yäkşämbe könne Schröder üz partiäseneñ Merkelneñ kansler bulğan kiñ koalitsiägä qatnaşu mömkinlegen kire qağıp

Saylawlar näticäse açıqça kürsätä, çınbarlıq şul ki minnän başqa beräw dä totrıqlı xökümät oyıştıra almıy

Qıyınlıqlar säbäple kiñ koalitsiä bula alaçaq näticä kebek kürensä dä , partiä citäkçeläre başqa mömkinçeleklärne tikşerä. Liberallär FDP citäkçese Guido Westerwelle üz partiäseneñ SPD yäki yäşellär belän semafor koalitsion oyıştıru mömkinlegen qatğıy räweştä kire qaqtı

Germaniädä FDP belän semafor koalitsiä bulmayaçaq . Bu FDP citäkçese min Westerwelle , partiä prezidiumı häm partiä qorıltayında raslanğan fiker. Bezne qatnaştırmıy xıyallarığızğa däwam itegez

Älbättä ber mömkinçelek sullar koalitsiäse yäğni SPD, yäşellär häm sul partiädän torğan xökümät . Läkin Schröder sullar belän eşlärgä telämi. Sonğı mömkinlek Jamaika koalitsiäse CDU, FDP häm yäşellärdän torğan xökümät. Bu koalitsiä belän parlamentta küpçelekkä ireşep bulır ide .Ämma monıñ öçen FDP belän yäşellärneñ fiker ayırmalıqların beterüläre zarur. Yäşellär citäkçse älege tışqı eşlär minsitırı J.Fischer min Merkel belän söyläşä alam , ämma söyläşülär niçek näticäläner küz aldına kiterä almim dip äytte. Älegä körçekkä terälgän wazğiät birjada üzen xis itterde. Euro bäyäsen nıq yuğalttı. Zur bizenes xucaları bilgesezlek häm ozaqqa suzılğan söyläşülär Germaniä öçen äle ber dä kiräkmägän närsä, bezneñ öçen yuğaltu dip söyli. färidä xämit
XS
SM
MD
LG