Accessibility links

Кайнар хәбәр

Tatarstan rayonnarında «Azatlıq»nı niçek tıñlarğa?


Radiolar dönyasında qızıqlı waqiğalar bulıp yata. Elekke zamanda, «Tatarstan» radiosı ber niçä säğät söyläp ala ide dä, «Azatlıq»tan qala, başqa cirdä, tıñlawçılar, tatarça söyläwçe radionı taba almyı ide. Xäzer, «Tatarstan» radiosı da eşläp tora, FM dulqınnarında eşläwçe ber yulı berniçä başqa radiolar da, täwlek buyı tatarça söyläp tora . Xätta ayırım rayonnarnıñ ayırm radio kanalları bar. Mäsälän, Saba rayonında şundıy xäl. 5 yıl elek, Sabalılar yışlıq häm anda tapşırular alıp barırğa räsmi röxsät alıp, 105, 6 FM dulqınında «Saba dulqınnarı» radioların eşlätep cibärgännär. Cirle radio, Qazannan häm Mäskäwdän tapşıruların alıp bara torğan radiolar belän köndäşlek şartlarında eşli başlağan. Fänni tikşerenülär kürsätkänçä, eçtälege belän cirle problemalarnı kütärä torğan radiolar, tıñlawçılar iğtibarın nığraq cälep itä. Bu yulı da şulay bulğan. Saba radiosınıñ 8 säğät efir waqıtı bar. «Saba dulqınnarı» tele-radio kompaniäseneñ citäkçese Kamil Xisamiev xäbär itkänçä, Saba radiosınıñ üz tapşıruları barmağan waqıtta, radionıñ yışlığında «Yaña Ğasır» radiosı söylägän bulğan. Şuşı dulqında «Azatlıq» radiosı tıñlawçıları bezneñ programmalarnı tıñlıy alğan. Xäzer, Saba radiosı tapşıruları betkäç, 105, 6 FM dulqınında «Tatar radiosı» söyli başlıy. Cirle tele –radio kompaniä citäkçese Kamil Xisamiev añlatqança, Sabadağı radio Qazandağı «Tatar radio»sı belän xezmättäşlek turında kileşü tözegän. Şuşı kileşü nigezendä, «Yaña ğasır» radiosı tapşıruların tügel, ä «Tatar radio»sın söylätä başlağan. Ämma «Yaña ğasır» radiosı Sabada işetelmi digän süz tügel äle ul. Tıñlawçılar bu radio tapşıruların 102, 3 FM yışlığında işetä ala. «Saba dulqınnarı» xäbärlären tıñlağaç, bezneñ tıñlawçılar radio alğıçnı başqa yışlıqqa köyläp, «Azatlıq»nı tıñlıy ala. Sabada ul 102, 3 FM dulqınında işetelä. Şulay itep, rayondağı keşelär tatar radioları arasında saylıy ala. Annan tış, Sabağa belän çiktäş, Teläçe rayonıñ radiosı da, Qukmara häm Arça radioları da tapşıruların şuşı cirlekkä alıp bara. Rayonnar, barısı da, Saba kebek üz kanalına iyä tügel. Alar, başqa radiolarnıñ efirına kerep, üz tapşıruların alıp bara. Şulay itep, cirle radiolar «Yaña ğasır» respublika radiosı sistemasına kerä başlağan. Anıñ öçen, «Yaña ğasır» şirkätendä regional üseş bülege dä oyıştırılğan.

Şundıy uq xäl, televidenie studiäläre belän baraçaq ikän.

Sez yäşägän töbäktä, «Yaña ğasır» aşa «Azatlıq» radiosı işetelmi ikän, sez bezneñ programmalarnı ğädättägeçä, qısqa dulqınnarda häm internet aşa işetä alasız.

Bikä Timerova.

XS
SM
MD
LG