Accessibility links

шимбә, 3 декабрь 2016, Казан вакыты 03:28

Ksenia Sandek Qazanda torıp Germaniä saylawları belän qızıqsına


Tatarstanda cirle üzidarägä saylawlarğa äzerlek qızıp bara. İnde nämzätlärneñ tärcemäi xäle, programmaları matbuğatta basıla. Ämma xalıqnıñ küpçelege qaya, kemne, ni öçen saylağanın yaxşılap belmi. Qayberäwlär munitsipal berämlekkä deputatlar tügel, ä yaña glava saylaw bulaçaq, dip faraz itä.

Şul uq waqıtta, alğa kitkän illärdä xalıq saylawğa bitaraf tügel. Yäkşämbe könne Germaniä Bundestağına saylawnıñ niçek tämamlanaçağı xätta Qazanda yäşäwçe qayber keşelärne dä tön yoqısınnan mäxrüm itte. Köln şähärennän kilgän Ksenia Sandek üze yäşägän fatirdağı TV kanallarınıñ birgän mäglümatenä qänäğät bulmıyça, yäkşämbe kiçendä üze eşlägän IKEA kompaniäsenä barıp, saylawlarnıñ yomğaqları belän tanışqan.

Minem uylawımça, Germaniä saylawlarında berkem dä ciñmäde. Merkel ber protsentqa kübräk tawış cıydı cıyuın, ämma tulı xoquqlı prezident bulu öçen bu tawışlar citmi. Qızğanıçqa qarşı, Germaniädäge saylawlarğa qağılışlı mäğlümatlar bik az buldı. Şuña kürä miña wäzğiätne eştä küzätergä turı kilde. Çönki min eşlägän IKEA kompaniäsendä 20dän artıq televizion kanal kürsätä häm buşlay internetqa kerü mömkinlege dä bar.

Germaniä watandaşı Ksenia Sandek üzeneñ qaysı firqä tarafdarı buluın häm kemneñ ciñäçägen aldan äytergä telämi. Şulay da ul xristian-demokratlarnıñ östenlek aluı nindider bilgesezlekkä kiterä, dip şiklänä. Ul Rusiä häm Tatarstan öçen nindi kansler häm nindi deputatlar faydalı buluın belmäsä dä, Gerhard Şrödernıñ könçığış kürşeläre belän urtaq tel tabuın uñay bäyäli. Ksenia Sandek üze çit il kompaniäsendä eşläp, başqa ildä yäşäsä dä, üz ileneñ kemne saylawına bitaraf tügel.

Rimzil Wäli

XS
SM
MD
LG