Şuşı "säyäsi bomba"nı Kievtä uzğan atna azağında ilneñ elekke prezidentı Leonid Kravçuk taşladı, anıñ süzlärenä qarağanda, elekke sovet cirlärendä yamanatı kiñ taralğan Berezovski prezident itep saylanu öçen Viktor Yuçenkoğa aqçalata yardäm kürsätkän. Ä Ukraina qanunı prezidentlıqqa nämzätneñ üz kampaniäsen çittän kilgän aqçağa alıp barunı tıya.
Yuçenko tirälege Boris Berezovski belän finans qına tügel, ğomumän, nindi dä bulsa bäyläneştä buluın kire qağa. Ä menä Berezovski üze isä internetta bäyän itelgän aqça küçerüläreneñ çınnan da döres buluı xaqında belderde, döres ul alarnıñ nindi maqsatta küçerelüen genä açıqlap tormadı. Comğa könne Berezovski citmäsä Reuters agentlığına, prezident saylawları tiräsendäge ığı-zığı waqıtında Viktor Yuçenko belän yış qına telefonnan söyläşep toruın xäbär itte. Mäskäwdäge xäzerge xakimiatne kisken tänqitläp kilgän Boris Berezovski süzlärenä qarağanda, bulışu üteneçe belän aña Yuçenko yardämçeläre üzläre möräcäğät itkän. Ä xäzer isä alarnıñ Londondağı eşmäkär belän nindi dä bulsa elemtägä kerüne kire qağuına ul "min Yuçenko tirälegeneñ şulay yalğan söyläwenä bik ğäcäplänäm", di.
Boris Berezovskineñ Viktor Yuçenkoğa çınnan da aqçalata yardäm itüe raslansa, Ukraina prezidentınıñ köndäşläre anı urınınnan alu eşen başlap cibärü, yäğni impeachment belän kisätä. Läkin ilneñ yustitsiä ministrı wazifaların ütägän Roman Zvarıx alarnıñ şul omtılışına aldan uq salqın su sibep quyası itte:
"İmpeachment süze ul säyäsi töşençä tügel, prezidentnı säyäsi ğämäl öçen eşennän alıp bulmıy. Andıy eşne cinayät qılu oçrağında ğına başlarğa mömkin. Ägär dä sez impeachmentqa layıq cinayätneñ asılı turında söylisez ikän, cinayät kodeksındağı konkret matdägä işarä itegez", di Ukrainanıñ yustitsiä ministrı wazifaların ütäwçe Roman Zvarıx.
Ul arada küzätüçelär Berezovski belderüläre artında anıñ nindi niätläre toruın açıqlarğa tırışa. Mäskäwdäge Carnegie üzägendä eşläwçe Nikolay Petrov, Boris Berezovski xäzer eşennän azat itelgän Yuliä Timoşenko yağın alıp, Yuçenkonı pıçratırğa buldı kebek digän fikerdä:
"Berezovskineñ şuşı belderüe Ukrainada xäzer barğan köndäşlektä Yuçenkonıñ xälen möşkellätä, häm dimäk Timoşenkonıqın nığıta. Küräseñ, Berezovski nindi yaqnı aluın belderep quya - ul Timoşenkonıñ kiläçägen ömetleräk kürä", digän faraz belderä Nikolay Petrov.
Rusiädä xakimiatkä Putin kilü belän ildän kitärgä mäcbür bulğan Boris Berezovskineñ elekke sovet cirlärendä şaqtıy kiñ biznes mänfäğätläre bar ide, häm Nikolay Petrov, bu xaqta ütkän zamanda ğına söyläp bulmıy, Berezovskineñ andıy säyäsi, öleşçä iqtisadi mänfäğätläre äle dä bar dip belderä.
Kärim Kamal
Yuçenko tirälege Boris Berezovski belän finans qına tügel, ğomumän, nindi dä bulsa bäyläneştä buluın kire qağa. Ä menä Berezovski üze isä internetta bäyän itelgän aqça küçerüläreneñ çınnan da döres buluı xaqında belderde, döres ul alarnıñ nindi maqsatta küçerelüen genä açıqlap tormadı. Comğa könne Berezovski citmäsä Reuters agentlığına, prezident saylawları tiräsendäge ığı-zığı waqıtında Viktor Yuçenko belän yış qına telefonnan söyläşep toruın xäbär itte. Mäskäwdäge xäzerge xakimiatne kisken tänqitläp kilgän Boris Berezovski süzlärenä qarağanda, bulışu üteneçe belän aña Yuçenko yardämçeläre üzläre möräcäğät itkän. Ä xäzer isä alarnıñ Londondağı eşmäkär belän nindi dä bulsa elemtägä kerüne kire qağuına ul "min Yuçenko tirälegeneñ şulay yalğan söyläwenä bik ğäcäplänäm", di.
Boris Berezovskineñ Viktor Yuçenkoğa çınnan da aqçalata yardäm itüe raslansa, Ukraina prezidentınıñ köndäşläre anı urınınnan alu eşen başlap cibärü, yäğni impeachment belän kisätä. Läkin ilneñ yustitsiä ministrı wazifaların ütägän Roman Zvarıx alarnıñ şul omtılışına aldan uq salqın su sibep quyası itte:
"İmpeachment süze ul säyäsi töşençä tügel, prezidentnı säyäsi ğämäl öçen eşennän alıp bulmıy. Andıy eşne cinayät qılu oçrağında ğına başlarğa mömkin. Ägär dä sez impeachmentqa layıq cinayätneñ asılı turında söylisez ikän, cinayät kodeksındağı konkret matdägä işarä itegez", di Ukrainanıñ yustitsiä ministrı wazifaların ütäwçe Roman Zvarıx.
Ul arada küzätüçelär Berezovski belderüläre artında anıñ nindi niätläre toruın açıqlarğa tırışa. Mäskäwdäge Carnegie üzägendä eşläwçe Nikolay Petrov, Boris Berezovski xäzer eşennän azat itelgän Yuliä Timoşenko yağın alıp, Yuçenkonı pıçratırğa buldı kebek digän fikerdä:
"Berezovskineñ şuşı belderüe Ukrainada xäzer barğan köndäşlektä Yuçenkonıñ xälen möşkellätä, häm dimäk Timoşenkonıqın nığıta. Küräseñ, Berezovski nindi yaqnı aluın belderep quya - ul Timoşenkonıñ kiläçägen ömetleräk kürä", digän faraz belderä Nikolay Petrov.
Rusiädä xakimiatkä Putin kilü belän ildän kitärgä mäcbür bulğan Boris Berezovskineñ elekke sovet cirlärendä şaqtıy kiñ biznes mänfäğätläre bar ide, häm Nikolay Petrov, bu xaqta ütkän zamanda ğına söyläp bulmıy, Berezovskineñ andıy säyäsi, öleşçä iqtisadi mänfäğätläre äle dä bar dip belderä.
Kärim Kamal