Accessibility links

сишәмбе, 6 декабрь 2016, Казан вакыты 21:00

Ğıraq: Bäreleşlär britannarnıñ şığılar östenlek itkän Basradağı problemaların kürsätä


Ğıraqnıñ könyağında äl-Basra şährendä Britaniä köçläreneñ qulğa alınğan ike ğäskärien irekländerü öçen oyıştırğan operatsiä turındağı mäğlümät qapma qarşılıqlı. Xalıq qulğa alınğan xärbilär törmädä qalırğa tieş dip taläp itep aqırıp baqırğannnan soñ ikençe könne ğäskärilärne irekländerü , törmä divarın cimerü öçen BTRlar qullanılğan. Şığı suğışçılarınıñ östenlek itä başlağan şähärdä Britaniä köçläreneñ tärtip urnaştırıu qıyınlaşa bara.

Britaniä köçläre belän Ğıraq politsiäse arasındağı bäreleşlär düşämbe könne 2 britan soldatınıñ qulğa alınuı belän başlandı. Ğıraq politsiäse ğäräblär kebek kiengän ike britan ofitsere yul xäräkäte politsiäsenä ut açqan öçen qulğa alındı dip äytä.Basrada xökümät rösmie al Abadi

Bez alardan soraw alğanda alarnıñ Basradağı Britan armiäsennän buluı añlaşıldı. Ämma alar üz missiäläre turında söyläwne kire qaqtı Komandirları min bu missiä turında söyli almim dip kenä äytte.Ämma min tikşeräçäkmem dip äytä al Abadi

Britan räsmiläre ğäskärilärneñ irekkä çığarıluın taläp itkändä, politsiä maşinaları şähär buylap xalıqnı uramğa çığarğa häm xärbilärneñ törmädä qaluın taläp itergä çaqırdı.Şuşı drama düşämbe kiç Britan köçläre BTRların qullanıp kollegaların ireklenderü belän tämamlandı. Operatsiädä 3 britan xärbie yaralandı.Britan armiäsennän John Lorimer London mätbuğatına Britan armiäse köç qullandı çönki bez soldatlarnıñ cirle suğışçılarğa tapşırıluı häm alarnıñ tormışınıñ qurqınıç astında buluı turında öyrendek dip belderde.

Analitiklar bäreleş Britan xärbiläreneñ şığı suğışçıları östenlek itkän Basrada tärtip saqlawda duçar bulğan qıyınlıqlarnı kürsätä dip äytä. Britannar Basrada radikal şığı ruxanisı Muqtada al Sadrğa turılıqlı Mäxdi armiäseneñ ike tanılğan äğzasın qulğa alğannan soñ ikençe könne ike britan soldatı qulğa alına. İsemen äytmägän britan räsmie New York Times basmasına xosusi räweştä genä , Britan soldatları totılğan politsiä punktı aldına cıyılğan ber niçä yöz keşe eçendä şığı suğışçıları da bar ide , alar britannarnı urlap qulda totılğan üz keşelärenä almaştırunı ömed itkänder digän.Dubayda urnaşqan Tikşerü Üzägennän Mustafa Alani düşämbedäge bäreleşne Britan armiäse belän şığı suğışçıları arasındağı xakimiät köräşeneñ ber öleşe dip qarıy

Basrada sonğı ike yılda şığı suğışçıları östenlek itä.Monda ike törkem turında süz bara. Berse Mäxdi armiäse, ikençe Ğıraqta İslam İnqilabı öçen Yuğarı Şuranıñ Badr köçläre.Bez britannar Basranı kontrol itä dibez ,çınbarlıqta alar küptän kontrolne yuğaltqan.Şähärdäge nindi genä mäsälä bulmasın suğışçılar östenlek itä dip belderä M.Alani

Alani politsiä köçläre äytep kitkän ike törkemnän bersenä turılıqlı köçlärdän tora dip äytä. Bu inde politsiä kiyemendäge keşe belän suğışçılar arasında ber ayırma yuq digän süz. Basranıñ sivil xakimiätlärenä kilgändä alar da äytep kitkän suğışçlar yäki alarnıñ säyäsi partiäläre belän bäyle şäxeslär.Basrada Badr köçläre belän Mäxdi armiäse arasında atışu, üterülär kön törtibendä. Alar üzläreneñ islamçıl qanun tärtiplären misal öçen alkogol satu yäki xatın qıznıñ kieme kebek mäsälälärne sivil liberallärgä köçläp tağarğa tırışa.Alani bu xaqta:

Älege waqıtta Basrada 3 törle köräş bara. Berençese şähärdä kontrol urnaştıru öçen ike şığı suğışçan törkeme arasındağı köräş.İkençese suğışçlar şähärne sönni möselman häm xristian maxallälärennän tazata. Öçençese Britannar kontol iminlek urnaştıru öçen Mäxdi armiäse belän suğışırğa mäcbür bula dip söyli

Analitiklar qaraşınça, şığılar östenlek itkän Bagdad xökümäte Basradağı xällärgä çıdamlıq kürsätä çönki anda şığı dini partiäläreneñ role köçle İrannın Badr köçläre belän nıqlı elemtäläre Basradağı wazğiätne qaqtmarlandırğan başqa ber faktor. İran inqilap saqçıları Badr törkemen Saddamğa qarşı köräştä künegülärdän ütkärep qorallandırğan ide.Britaniä könyaq Ğıraqta 9meñ ğäskär tota häm bu şığı suğışçılarına qarşı citärlek tügel färidä xämit
XS
SM
MD
LG