Yewropa Berlegeneñ İran belän atom söyläşüläre alıp barğan 3 ile Fransiä, Germaniä häm Britaniä İran turında rezolütsiä proyektı äzerläde. Ul dokument BMOnıñ Atom enertiäse idaräsen İrannıñ atom ölkäsendäge xalıqara yöklämälären bozuı mäs'äläse turında BMO İminlek Şurasına xisap birergä çaqıra. İminlek Şurasına İrannı uran bayıtu, atom eşkärtü belän bäyle härtörle eşçänlekne tuqtatırğa häm Yewropa Berlegeneñ 3 ile belän söyläşülärgä kire qaytırğa çaqırırğa dip kiñäş itelä.
Rezolütsiä ölgese Xalıqara Atom Energiäse İradäse şurasındağı 35 il wäkillärenä taratıldı. Şura utırışı bu atnada Venada ütäçäk.
