Accessibility links

шимбә, 10 декабрь 2016, Казан вакыты 09:58

Äfğänstannıñ 4 wilayätendä tawışlarnı sanıy başlaw kiçekterelä


Äfğän saylaw räsmiläre uzğan yäşkämbedä ütkän parlament saylawlarınnan soñ tawışlarnı sanaw 4 wilayättä, şul isäptän Qabul wilayätendä kimendä 1 köngä kiçegä dip belderä. BMO-Äfğän urtaq saylaw şurası räsmiläre Azatlıq xäbärçesenä bu kiçekterü saylaw bülletennären sanaw üzäklärenä taşu qıyınlıqları belän bäyle dide. Urtaq Saylaw Şurası süzçese Säyet Xämit Qabulda tawışlarnı sanaw üzägendä bezneñ xäbärçebezgä "Qabul wilayätendä tawışlarnı sanaw irtägä başlanırğa tieş. Anıñ başqa wilayätlärdä qayçan başlanaçağın tögäl genä belmim. Ul bügen başlanırğa tieş ide. Ämma tawış birü urınnarınnan bülletennärne taşu problemaları säbäple kiçekterelde. Bügen tämamlıy almaw säbäple alarnı taşu äle däwam itä. Häm İnşalla irtägä sanaw başlanır" dide.

Äfğän parlamentınıñ 249 äğzasın häm 34 cirle şuranı saylaw näticäläre tağın 2 atnadan ğına iğlan itelä başlar dip kötelä.

XS
SM
MD
LG