Accessibility links

җомга, 9 декабрь 2016, Казан вакыты 22:15

Ukraina parlamentı Yuriy Yexanurovnı premyer ministr itep raslawnı kire qaqtı


Ukraina parlamentı Verxovna Rada premyer ministr wazıyfaların başqaruçı Yexanurovnıñ şul wazıyfağa raslanuın kire qaqtı. Parlament räise Vladımır Lıtvın 450 urınlı parlamentta tawışlarnı sanawdan soñ "223 tawış xupladı, täqdim qabul itelmäde" dide. Ukraina prezidentı Viktor Yuşçenko Yulia Timoşenko citämçelegendäge xökümätne eşennän alğannan soñ Yexanurovnı premyer ministr wazıyfaların başqaruçı itep bilgelägän ide. Bügenge tawış birü aldınnan Yuşçenko parlament äğzaları belän oçraşıp alarnı Yexanurovnı yaqlawğa ügetläde. Timoşenko oppozitsiägä küçte. Ul da parlament äğzaları belän oçraşıp alarnı Yexanurovqa qarşı ügetläde. Bügen Qırım xökümäte başlığı Anatoliy Matvienko wazıyfasınnan kitüen iğlan itte. Matvienko Ukraina xäbär agentlıqlarına parlamentta üze äğza bulğan partiä wäkilläreneñ Yexanurovqa qarşı tawış birüen Ukraina mänfäğätlärenä xıyänät dip bäyäläp wazıyfasında qala almawın belderde.

XS
SM
MD
LG