Qazan universitetınıñ barı tik jurnalistika häm sotsiologiä fakul'tetınıñ tatar bülegenä uqırğa kerüçelärne studentlıykqa bağışlaw yolası közge tabiğät qoçağında ütä. Älege yola bulaçaq tatar jurnalistların berläşterergä, alarnı ber – berse belän aralaştırırğa yärdäm itä.
Çärşämbe könne irtän bulaçaq tatar jurnalistları häm alarnıñ uqıtuçıları elektriçkağa utırıp Kamenka urmanına yul tottılar. Kön salqınça buluğa qaramastan, ütkän yıllar belän çağıştırğanda, keşe bik küp cıyılğan ide, xätta berniçä yıl elek universitetnı tämamlağan studentlar da kilgän ide.
Tabiğät qoçağında yasalğan östäl, säxnä, cır- iyüllär, mondıy çarada täwge tapqır qatnaşuçı, berençe kurs studentlarına baştaraq säyerräk toyılğandır. İnde ike atnadan artıq universitetta uqısalar da, alar şuşı bağışlawdan soñ ğına çın student bulalar. Bağışlaw, härber kurstan maxsus äzerlängän konsert nomerın quyudan häm berençelärne bik üzençälekle aş – sudan awız itterüdän ğibärät.
Student tormışınıñ açı, tozlı häm tatlı buluın añlatır öçen ölkän kurs studentları törle tämlätkeçlär, toz, borıç salıp bu sunı äzerläp, berençelärgä eçertte. Östäwenä şulay uq açılı – tatlı qabımlıqlar da awız itärgä turı kilde berençelärgä. Şuşı aş – sunıñ tämen tatıp qarawçılar, tatar jurnalistika fakul'tetınıñ çın studentı bula. Menä şulay itep, bulaçaq tatar jurnalistları, ğädättägeçä tabiğät qoçağında studentlıykqa bağışlandılar.
Gölnaz Şäyxetdinova
