Accessibility links

якшәмбе, 11 декабрь 2016, Казан вакыты 07:18

Tatarstan tarixın Rusiä tarixı qısalarında uqıtaçaqlar


Profil'le uqıtu näticäsendä tarix däresenä säğätlär azraq qalaçaq. Şunıñ qısalarında üzebezneñ Tatarstan tarixın uqıtu bötenläy yotılmasmı. Çönki yaña standartlar buyınça xäzer Tatarstan tarixı ayırım fän bulıp barmayaçaq, ä Rusiä tarixı fäne qısalarına kerteläçäk. Tatarstan tarixın uqıtu xaqında Tatarstan Mäğärif üseşe institutınıñ tarix häm cämğıäwi dissiplinalar kafedrası mödire Fäyzelxaq İslaev

Xäzer federal' standartlar eşlände. Şunıñ qısalarında regional' tarix bar. Anıñ buyınça bez Tatarstan tarixın uqıtaçaqbız. Xäzer yaña standartlar eşlärgä kiräk. Monıñ buyınça problemalar bulmas dip uylıym. Çönki däresleklär yazğan avtorlar küp. Elek problemalar bar ide niçek, närsä öyränergä. Xäzer bu problemalar çişelde. Äybät däresleklär çıqtı.

Xäzer dokumentlarda Tatarstan, Bötendönya, Rusiä tarixı digän fän ayırım yazılmayaçaq. Barı Tarix digän genä ğomum bilge bulaçaq.

Tatarstan tarixı moña qädär 6, 7, 8, 9 klasslarda uqıtılıp kilde. Barlığı - 10-12 säğät ide. Ämma yuğarı uqu yortına uqırğa kergändä Rusiä tarixı buyınça ğına imtixan tapşırası. Şuña küräme respublikanıñ qayber awıl mäktäplärendä çığarılış sıynıflarında tarixnı urıs telendä uqıtuğa küçkännär ikän. Fäyzelxaq İslaev älege mäs’äläne buyınça

Çınnan da mondıy problema bar. Yuğarı uqu yortına uqırğa kergändä imtixannı urısça tapşırası, şuña kürä 10-11 klass uquçılar üzläre sorıy monı. Bu alar ixtıäcı.

Seminarda profil'le uqıtuğa kilgändä, uquçılarnıñ kübräk gumanitar profil'ne-ölkäne saylawları xaqında äytelde. İkençese bulıp texnik profil' tora. Ä menä sotsial'-iqtisad profil'legen saylasalar tarixnı kübräk kertergä mömkinlek bar. Monnan tış elektiv kurslar östälä.

Fäyzelxaq İslaev

Tatar tarix yaxşı belgän uqıtuçılar elektiv kurslar täqdim itälär. Min mäsälän tatar şäcäräsen öyränü buyınça kurslar täqdim itäm.

Seminarda şulay uq däresleklär xaqında da söylände. Alarnıñ şaqtıy küp häm törle buluına basım yasaldı. Tatarstan Mäğärif ministrlığınıñ uqu äsbapları häm töbäqara xezmättäşlek bülege citäkçese Änisä Morozova uqıtuçılarğa Rusiä yäki Tatarstan Mäğärif ministrlığı grifı, yäğni röxsäte bulğan däresleklär genä qullana alasız dip belderde. Şuña bu mäs’älägä iğtibarlı bulırğa çaqırdı. Monnan tış mäcbüri räweştä däreslek satıp aldıralar dip, ata-analardan küp şiqayätlär kilüen äytte. Uquçığa däreslek alırğa quşu aldınnan ata-analar cıyılışında bu mäs’äläne xäl itärgä kiräklegenä basım yasadı.

Landış Xarrasova

XS
SM
MD
LG