Accessibility links

пәнҗешәмбе, 8 декабрь 2016, Казан вакыты 01:11

AQŞ yarlarına Rita isemle yaña köçle ğarasat yaqınlaşa


Quşma Ştatlarnıñ Meksika qultığı yarlarına yaqınlaşuçı Rita ğarasatınıñ köçe 4-nçe däräcä belän bilgelände. Rita ğarasatında cil köçe säğätenä 215 çaqırmğa citä. Uzğan ayda Katrina ğarasatınnan zur zıyan kürgän New Orleans şähärendä, şulay uq Teksas ştatınıñ Galveston şähärendä mäcbüri evakuatsiä iğlan itelde. Sişämbe könne Rita ğarasatı AQŞnıñ Florida Keys utrawları aşa ütte. Kubanıñ tönyağında 130 meñläp keşe evakuatsiälände. Anda zur dulqınnar kütärelde. Belgeçlär Rita alğa taba tağın da köçäyergä mömkin dip farazlıy. Ul diñgez buylap yulın däwam itep Teksasqa, Luizianağa yäki Meksikanıñ tönyağına kilep citär dip kötelä.

XS
SM
MD
LG