Accessibility links

якшәмбе, 4 декабрь 2016, Казан вакыты 03:05

Qırğızstan belän Rusiä urtaq xärbi künegülär ütkäräçäk


Rusiä saqlanu ministrı Sergey İvanov Rusiä belän Qırğızstan kiläse yılda terrorğa qarşı urtaq xärbi künegülär ütkäräçäk dide. Bişkäktä Qırğız saqlanu ministrı İsmail İsakov belän söyläşülärdän soñ İvanov "Qırğızstannıñ häm şäxsän Qırğız saqlanu ministrınıñ täqdime belän bez kiläse yılda biredä tieşle qorallar häm maxsus äzerlängän köçlär belän ikeyaqlı Rusiä-Qırğız terrorğa qarşı xärbi künegüläre ütkäräçäkbez" dide.

İvanov belän İsakov şulay uq Rusiäneñ Qırğızstannı 3 millionlap dollarlıq xärbi häm xärbi-texnik cihazlar belän tä'min itüe turında kileşü imzaladı. İsakov äytüençä alar İvanov belän Äfğänstandağı wäzğiät turında da söyläşkän. Bişkäktän İvanov Üzbäk räsmiläre belän oçraşu öçen Taşkentqa kitä. Comğa könne ul Üzbäk saqlanu ministrı Qadir Gulomov belän Rusiä-Üzbäkstan urtaq xärbi künegülären küzätäçäk. Bu Sovetlar Berlege cimerelgännän soñ ike ilneñ berençe urtaq künegüläre bulaçaq.

XS
SM
MD
LG