Accessibility links

Кайнар хәбәр

Britaniä Ğiraqtan kitärgä cıyınmıy


Londonda Ğiraq premyer ministrı İbrahim äl-Cäğfäri belän oçraşudan soñ Britaniä saqlanu ministrı John Reid Ğiraqtağı 8 meñ britan xärbie anda küpme kiräk şul qädär toraçaq dide. Reid ike ilneñ xökümätläre arasında ışanıç yuğaltu bulmadı dip belderde.

Britaniä xökümäte ğiraqlılarnıñ kiläse ayda konstitutsiä turında kileşü, dikäberdä xökümät saylaw häm barlıq ğiraqlılar faydasına ildä demokratiäne tulısınça torğızu tırışlığın yaqlıy dide Reid.

Düşämbe könne Basra şähärendä britan köçläre qulğa alınğan ike britan xärbien azat itü öçen ğiraq politsiäse binasına bärep kerde, soñraq alarnı başqa urında tabıp azat itte. Britan köçläreneñ bu operatsiäse Basrada köç qullanılğan protest çaralarına säbäp buldı. Protestlar bügen dä däwam itte. Äl Cäğfäri jurnalistlarğa britan xärbiläreneñ reydın tikşerü bara dide.
XS
SM
MD
LG