Accessibility links

пәнҗешәмбе, 8 декабрь 2016, Казан вакыты 12:52

Qırım xökümäte başlığı urınınnan kitte


[ qırımtatar telendä ]

Ukraina akimieti istifağa yiberilgeninden son Qırımdaki siyasiy vaziette bayağı murekkepleşti. Qırımnın bir sıra siyasiy kuçleri Qırım akimieti başı Anatoliy Matvienkonın istifağa ketüvini talab etip başladılar. Qırım Yuqarı Radasının 6 komissiyası Matvienkonın meselesini 21 centyabrde keçecek sessiyanın kun tertibine qoymaq kerek dep qarar aldılar.

Matvienko "Qırımda ruşvetçilik, korruptsiyağa batqan bazı siyasiy kuçler bir sezge kelip,Qırımda korruptsion akimietni meydanğa ketirmege , Qırımdaki cinaiy ailelerni saqlamağa areket eteler. Provokatsiyalarğa berilmeniz!’’- dep muracaat etti Qırım deputatlarına.

Matvienkoğa qarşı portaqal inqilyabıni taqdirlegen ‘’Batkivshina’’ firqası Qırım bolügi, Qırım parlamentindeki ‘’Narodnıy Soyuz Naşa Ukraina’’ fraktsıyası başqa siyasiy kuçler ve siyasetçiler qarşı.

Qırımtatar Meclisi Matvienko etrafında uküm sürgen vazietke dair açıqtan-açıq oz munasebetini bildirmedi. A mına Meclis reisinin muavini Remzi İlyasov: ’’Matvienko biz beklegenimiz kibi çalışmadı. O airı Qırımtatr meselelerini çezmege areket etti, amma umumen alğanda kerçektende bizim problemalarımıznı çezmege areket etmedi’’ dedi.

20 sentyabrde A.Matvienko Prezident adına ariza yazıp onı Qırım ukümetinin başı vazifesinden boşatılmasını sorağanı aqqında haber keldi. Bu adım Ukraina Yuqarı radasında Ukraina ukümetinin başı etip Yuriy Ehanurovnın namzetine qoltutulmağan son yapıldı. A.Matvienko eteklegen ‘’Sobor’’ firqası azalarıda Ehanurov içün rey bermegeleri belli olğan son Matvienko bu firqanın reisligindende ketken.Amma buna baqmadan onı Qırım ukümeti reisliginden boşatılması meselesini tertip boyunca Qırım Yuqarı Radası 21 sentyabrde baqtı. Sessyağa cıyılğan Qırım deputatlarına A.Matvienko istifağa ketkeni aqqında muracaatını oqudı. Deputatalar onın istegini erine ketirdiler. 93 deputatnın 88 zi Matvienkonın istifası içün rey bergenler. Bu qararğa prezident Yushenkoda qarşı çıqmağan.

Qırımğa Türkienin turizm ve medeniet işleri mınıstri Atilla Koç yolbaşçılığında delegatsiya kelip ketti. Qırım yolbaşçılarınen olğan korüşüvler vaqtında ‘’Qırımnın yalı boyu inkişafı’’ leyhasına investitsiyalarnı celp etmek meselesi aqqında sez olgan. Bu korüşüvlerde Meclis reisi M.Cemil oğlu da iştirak etken. Türkie delegatsıyası Meclis reisinen airı korüşken. M.Cemil oğlu Qırım ukümeti azırlağan leyhada qırımtatarlarının menfaatları koz ogüne alınmağanını aitıp, Ukraina qırımtatarlarınen bağlı qanunlarnı ep qabul etmegenini bildirgen. Türkie delegatsiyası Han Saraynı, İ.Gaspralı kitaphanesini, Kebir Camini ziyaret etken. Qırım ve Türkie ministrleri turizm boyunca anlaşma imzalağanlar.

22 sentyabrde Aqmescitte qırımtatar yaşlarının Qurultayı oz işini başlaycaq. Yaşlar qırımtatr tili,medenieti, tarihı, umumen qırımtatar halqının kelecegi aqqında sez yursetecekler.

29 sentyabrde Qazanda otkerilecek’Canlı tatar muzıkası’ festivalinde Qırımdan belli gitaracı Enver İzmaylov iştirak etecek

Dilyaver Osman, Aqmescit
XS
SM
MD
LG