Accessibility links

шимбә, 3 декабрь 2016, Казан вакыты 12:52

Yevropa Berlege terrorğa qarşı köräşä


Yevropa Komissiäse 21 sintäberdä Yevropa Berlegenä äğza 25 ildä möselman maxalläläreneñ radikalläşü, yäşlärne terrorğa cälep itüenä qarşı çaralar turında söyläşülär alıp bardı.Komisiä dialoqqa basım yasıy.Ämma sonğı terror aktların islamğa bäyläwdän totılıp qala.Komissiä çärşämbedä Yevropa Berlegendäge telekomunikatsiä şirkätläre barlıq telefon söyläşülären ber yıl elektron xatlarnı 6 ay saqlarğa tieş digän täqdim dä kertte.

Çärşämbe könne Yevropa Komissiäse yäş imigrantlarnıñ radikalläşü häm terrorğa cälep itelüenä qarşı üz qaraşların belderde.Alar arasında imigrant maxallälärenä ütep kerüne mäqsat itep quyğan uñay çaralar belän bergä köç qullanu häm terrorğa qıyulandıru öçen Yevropa Berlegeneñ ireklekläre belän yavızlanuçılarnı cazalau belän yanaw da bar .Anda älege waqıtta Berlekneñ prezidentı Britaniägä dä qayber taşlamalar yasalğan.Çönki Britaniä watandaşlarınıñ iminlege öçen qayber sivil irekleklärne qısarğa çaqıra. Yevropa Berlegeneñ xoquq, ireklek wä iminlek öçen komissarı Franco Frattini Londonda 7 iyüldä bulğan höcümne oyıştıruçılar İslamğa turılıqlı bulmağan möselmannar ide dip äyte.Frattini:

Londonda bulğan terror höcümennän soñ bezneñ borçılular bik nıq arttı. Çönki Londonda uqığan, Britaniädä tuğan , Yevropa pasportlı yäşlärneñ terrorçı häm intihar höcümçe bulırğa äzer buluların öyrändek.Şunlıqtan bez radikalläşüneñ çın tamırların öyrenergä tieşbez dip äytte.

Yevropa Berlege 2004 yılda Madridtağı terror höcümennän soñ imigrantlarnıñ radikalläşü terrorğa cälep itelüen tuqtatu öçen tırışa başladı. Bilgele bulğança Madrid häm London höcümnäre öçen cawaplılıqnı äl-Qaida törkeme üz östenä alğan ide.Ämma Frattini legitim dini ğämällär belän din isemennän yasalğan köç qullanu arasındağı ayırmağa nıq basım yasap,

İslam dini yäki başqa din isemennän intixar höcüme yäki başqa cinayät ğämälläre qıluçılar , dinneñ isemen pıçrata .Min islam ,xristian, yähüd dini ruxaniläre belän oşraşuımda alarnıñ barısı da terror höcümen aqlau öçen dinne qullanuçılar dinnen üzen pıçrata dip äytte .Şunlıqtan min islamçı terror digän ğıybaräne qullanmasqa çaqıram dip belderde yevrokomissar.

Xoquq häm iminlek mäsäläläre öçen komissar Frattini London häm Madrid höcümnäre artında islamçılar dip basım yasau islamophobia- başqa qurqınıçnı köçäytä dip azsızıqladı.Ul Yevropa Berlege integratsiäne internet, TV, radio häm mätbuğat aşa başqaru yulların ezliäçäk dide.Frattini mädäniätlär dinnär arasındağı dialognı yaxşırtu häm yaxşıraq strategiä aşa maxallälärne qatnaştıru töp mäqsat töp ğämäl bulıp tora dide .

Komissiä äğza illärnıñ xoquq saqlaw oyışmaları küzläw räsmiläre arasında yaxşıraq xezmättäşlek urnaştırunı şulayuq çit illärdä terrornıñ artuına säbäp bulaçaq faktorlarnı kimetü öçen Berlekneñ tışqı säyäsätendä üzgäreşlär teli. Frattini barlıq Berlek illärendä köçkä keräçäk qanun, telefon şirkätlären, söyläşülärne ber yıl internet aşa şaltıratular häm elektron xatlarnı 6 ay möddät belän saqlarğa mäcbür itäçäk dip belderde.Yevrokomissar , xoquq yaqlaw oyışmalarınıñ şäxsi ireklek, keşeneñ xosusi tormışın çikläwlär turındağı borçıluların tanısa da ul keşeneñ yäşäw xoquqı da ber yk däräcädä möhim dide .Telefon söyläşülären saqlap totu bigräk tä Berlekneñ älege prezidentı Britaniä tarafınnan nıq yaqlana. Britaniä iyüldä Londonda yasalğan höcümne açıqlawda yazılğan telefon söyläşüläre bik rol uynadı dip belderä.Äytep kitkän qanunnar Yevropa Parlamentında raslanırğa tieş.Parlament ütkändä sivil irekleklärneñ qısıluına qarşı çıqqan ide.Yevropa berlege illäre yıl azağına qädär terrorğa qarşı çaralar turında kileşerlär dip kötelä. färidä xämit
XS
SM
MD
LG