Accessibility links

дүшәмбе, 5 декабрь 2016, Казан вакыты 05:21

“Duslıq yortı” eş başlıy


Omski ölkäsendä milli–mädäni oyışmalar belän eşläwçe “Duslıq yortı” cäyge yaldan soñ älege oyışmalarnıñ citäkçelären kiñäşmägä cıydı. Bilgele, süz anda aldağı eş-plannar xaqında bardı. Plan buyınça alda torğan berençe zur çara- milli tuylar festivale ütkärü. Maqsatıbız-törle xalıqlarnıñ borınğıdan kilgän milli tuy yolaların iskä töşerep, alarnı kürsätmä tuy räweşendä äzerläp xalıqqa kürsätü dide xudojstvo citäkçese Olga Kuleşova. Oktäber ayında ütkäreläçäk bu festival'dä tatar, qazaq, yähüd, nemes, rus, belorus häm başqa xalıqlarnıñ milli tuy yolaları kürsäteläçäk. Tatar oyışmalarınnan bu çarada “Umırzaya” tatar-başqort xalıq ansamble, “Ömet” balalar ” törkeme häm milli- mädäni moxtariät äğzaläre qatnaşaçaq.

Bu könnärdä Omski tatar cämäğätçelege dä zur yuğaltu kiçerde. Qısqa waqıtlı qatı awırudan soñ 72 yäşendä Kolosovka tatar mädäniäte üzäge citäkçese, ozaq yıllar älege rayonnıñ Tuskimä awılında mäktäp direktorı bulıp eşlägän milli canlı olpat millättäşebez Ğali Räşit ulı Cälilov wafat buldı. Ğali abıy Omskida ğına tügel Tatarstanda da bilgele şäxes, Qazannıñ 1000 yıllıq bäyrämenä dä çaqırılğan ide.

Ul mäktäp direktorı wazıyfalarınnan tış küpqırlı ictimaği eşlär alıp bardı, millätebezneñ bügengese häm kiläçäge öçen borçılıp yäşäde. Ğali ağa şiğer yazu belän dä mawıqtı. Anıñ şiğerlärendä tormışnı yaratuı, xatın-qızlarğa bulğan xörmäte, mäxäbbäte, millät yazmışı çağıla ide. Ğali Cälilovnıñ qayber şiğerläre Tatarstannıñ waqıtlı matbuğatında da basılıp çıqtı.

Rozaliä Sayganova, Omski.

XS
SM
MD
LG