Germaniä Kanslerı Gerhard Schroeder belän anıñ köndäşe Angela Merkel ilne kem citäklärgä tieşlege turında berençe räsmi söyläşülär ütkärde.
Merkel söyläşülär konstruktiv ruxta ütte häm yaña oçraşular kiläse atnada bulaçaq dide. Şul uq waqıtta ul yaña xökümätne kem citäkliäçäge turındağı qarşılıqlar qala birä dide.
Yäkşämbe saylawlarında Merkel citäkçelegendäge Xristian Demokratlar Schroedernıñ urta-sulçı Sotsial Demokratlarınnan 1 protsent çaması kübräk tawış cıydı.
Ämma alarnıñ berse dä üzlärenä yaqın köçlär belän koalitsiä tözep xökümät oyıştırırlıq tawışqa iä tügel.
Merkel da, Schroeder da yaña xökümätne citäklärgä teläk belderde.
Analitiklar äytüençä, iñ mömkin bulğan çişeleş – älege ike partiäneñ kiñ koalitsiä tözüe.
