Accessibility links

шимбә, 3 декабрь 2016, Казан вакыты 22:49

Yewropa Tährannıñ atom programması mäsäläsen BMO İminlek Şurasına tapşıru täqdimen kire aldı


Yewropa Berlege İranğa qarşı çikläwlär kertü mäs'äläsen qaraw öçen İrannıñ atom programması eşen BMO İminlek Şurasına tapşıru niätennän baş tarttı. Yewropa Berlege Vienada BMO atom energiäse idaräse äğzalarına taratqan rezolütsiä ölgesen üzgärtte dip xäbär itelä. AQŞ tarafınnan xuplanğan ul ölgedä İrannıñ atom programması mäs'äläsen BMO İminlek Şurasına kütärü täqdim itelgän ide. Ämma soñraq, Xalıqara Atom Energiäse İdarä şurasındağı 35 äğza ilneñ yartısı diärlek, şul isäptän Qıtay belän Rusiä qarşı çıqqannan soñ Yewropa Berlege kire uylağan dip xäbär itelä. Tähranda İran atom idaräseneñ räis urınbasarı Möxämmät Säidi Yewropanıñ bu qararın möhim ciñü dip bäyäläde. Şul uq waqıtta Venadağı İran wäkilläre Berlekneñ yaña rezolütsiä ölgese belän dä kileşmi. Bu ölge İran atom texnologiälären taratmaw kileşüen ütämi dip belderä häm bu mäs'äläne BMO İminlek Şurasına tapşıru mömkinlegen kiläçäkkä qaldıra.

XS
SM
MD
LG