Accessibility links

якшәмбе, 11 декабрь 2016, Казан вакыты 09:08

Meñ Yıllıq Qazanğa Säyäxät


Üzeneñ 1000 yıllıq tarixi yubileen şawlap-görläp yaña ğına bäyräm itkän nurlı-moñlı Qazan şähäre xäzer küplärne üzenä tartıp tora. Yubiley tantanalarına bara almağan keşelär soñınnan bulsa da, iskitkeç maturlanğan, tözeklängän ruxi märkäzne, bar tatarnıñ başqalasın üz küzläre belän kürergä teli.

Comğa könneñ irtäsendä Ufadan tağın ber zur ğına törkem wäkillek Qazanğa qarap yul aldı. 45 keşe kergän bu törkem Tatarstan başqalasına zur avtobusta quzğaldı. Säfärçelär arasında törle yäştäge häm törle hönär iäläre bulğan keşelär bar. Yulğa çığuçılarnıñ küpçelege – tatarlar häm başqortlar. Yul östendä älege wäkillek Çallı şähärenä dä kerä häm andağı Cämiğ mäçetendä bula, andağı millättäşlärebez belän oçraşu ütkärä.

Bu säfärne Ufadağı «İxlas» mäçete imam-xatibı Möxämmät xäzrät Ğalläm belän «Märxämät» xäyriäçelek berlege oyıştırdı. Soñğı ber ay yarımda “İxlas” mäçete oyıştırğan bişençe şundıy säyäxät inde bu. Qazanda ike kön bulu däwamında Başqortstan wäkilläre andağı istälekle häm tarixi urınnarğa baraçaq, yaña tözeleşlärne qarap yöriäçäk. Älbättä inde, iñ şatlıqlı waqiğa bulıp Qol Şärif mäçeten kürü, anda kerep doğa qılu torır, möğayın.

Ufadağı «İxlas» mäçete imam-xatibı Möxämmät xäzrät Ğalläm bu säfär xaqında tübändägelärne söyläde: (audio)

Möxämmät xäzrät äytüençä, Qazanğa säfärdän äylänep qaytqaç, “İxlas” mäçetendä izge Ramazan ayına äzerlek başlana. Mäğlüm buluınça, Ramazan ayı bıyıl 5 üktäberdä başlana.

Fänis Fätxi, Ufa

XS
SM
MD
LG