Bügen AQŞnıñ Meksika qultığı yarlarına yaqınlaşuçı Rita ğarasatı säbäple evakuatsiälänüçelär utırğan avtbosuqa Texas ştatınıñ Dallas şähäre yanında ut qaptı. Avtobusqa ölkännär utırğan bulğan. Politsiä süzçese äytüençä, 24 keşe ülgän dip isäplänelä, ämma bu san äle üzgärergä mömkin. Töp evakuatsiä yulında ul aftobus yanu säbäple yulnı yabarğa mäcbür bulğannar.
Bu AQŞ tarixındağı iñ zur evakuatsiälärneñ berse. Berniçä säğättän Rita ğarasatı Texas häm Luiziana ştatlarına kileş citäçäk.
Yar buylarınnan 2 millionnan artıq keşe kitä. Häm AQŞnıñ 4-nçe zur şähäre Houston buşatıldı. Uzğan aydağı Katrina ğarasatınnan zur zıyan kürgän New Orleansnı sudan ayırıp toruçı yamalğan säd, damba aşa bügen tağın su bärep çığıp şähärneñ tübän öleşenä aqtı. Rita ğarasatınıñ şähärne yañada su basuğa säbäp bulu mömkinlege arttı.
Hawa torışı belgeçläre äytüençä ğarastanıñ üzäge Houstonğa häm yaqındağı Galveston şähärenä turı kilmäskä dä mömkin, çönki Rita beraz könçığışqa taba borılğan.
