Ğiraq räsmiläre birgän mäğlümatkä qarağanda polisiä kiemendäge qorallanğan keşelär bügen İskändäriä şähärendä başlanğıç mäktäptäge 5 şiği uqıtuçını häm maşina yörtüçesen atıp ütergän. Başqalada intixar höcümendä kimendä 10 ğiraqlı häläk bulğan. Yul buyında bulğan şartlawlarda 3 amerikan xärbie ülgän. AQŞ xärbi köçläre bu atnada Bağdadtdağı Äbü Ğraib törmäsennän totqınnarnı çığara başladı. Barlığı bu atnada meñgä yaqın keşe irekkä çığarılaçaq. Totqınnar Ğiraq räsmiläre üteneçe nigezendä Ramazan ayı başlanuı uñayınnan çığarıla.
