Accessibility links

дүшәмбе, 5 декабрь 2016, Казан вакыты 07:24

Belarus çittän yärdämgä moxtac tügel


Ukraina, Belarus belän Yevropa Berlege arasında tiränäyä barğan qarşılıqnı çişü eşendä üz yärdämen täqdim itte. Ukraina tışqı eşlär ministrı wazifaların ütäwçe Boris Tarasük, bu xaqta Belarus tışqı eşlär ministrı Siarhei Martınov belän bulğan oçraşudan soñ belderde. Ämma Martınov, Belarus yärdämgä moxtac tügel, dide:

"Qärdäş Ukrainanı ni qädär xörmät itsäk dä bäysez däwlätkä çittän yärdäm kiräkmi häm ul üz cämğiätendä barğan eşlär turında üze qarar biräçäk," dide Martınov.

Yevropa räsmiläre küptän tügel Belarusta polyak azçılığına qarşı çaralarnı täñqitlägän ide. Belarus prezidentı Aleksander Lukaşenka, Polşanı Yevropa Berlege belän xezmättäşlek itüdä, Belarustağı polyaklarnı isä anı urınınnan alu tırışlığında ğäyepläp çıqtı.

XS
SM
MD
LG