Accessibility links

якшәмбе, 4 декабрь 2016, Казан вакыты 23:37

“Tatarstan - Yaña Ğasır” xäräkäte Atom stansiäsen tözügä qarşı çıqtı


Tatarstanda Atom-töş stansiäsen tözü mäs’äläse düşämbedä parlamentta yañadan qaraldı. Döresräge Tatarstan parlamentınıñ “Tatarstan – yaña ğasır” xäräkäte fraksiäse bu mäs’äläne üz utırışında qaradı. İsegezgä töşeräbez, Tatarstanda atom-töş stansiäsen yañadan tözü mäsälәse parlamentnıñ soñğı sessiäsendä qaraldı. Tatarstannıñ kiläse biş yıllıqqa iqtisadıy üseş programması berençe uqılışta qabul itelde. Älege programmada, AЭSen tözü mäs’äläse dä qaralğan. Läkin, Tatarstan deputatları, respublika Yuğarı Şurası 90 yıllarda qabul itkän qanunnı onıtqannar. Älege qanunda, Tatarstanda atom-töş stansiäsen tözügä maratoriy iğlan itelgän ide. Ä yaña çaqırılış parlament deputatları, iske qanunğa qapma qarşı kilä torğan programmadağı matdäne rasladılar. Xoquq belgeçläre aptıraşta. Niçek inde, ber-ük mäs'älä turında ike törle qarar bula ala.

Düşämbedä Tatarstan-yaña ğasır xäräkäteneñ Däwlät Şurasındağı fraksiäse Tatarstanda atom – töş stansiäsen tözügä qarşı çıqtı.

Tatarstanda atom-töş stansiäsen tözü ütkän ğasır axırında quzğatılğan ide. Ul çaqta Tatarstannıñ Tübän Qama rayonında Qama alanı dip atalğan maxsus şähärçek tä tözelä başladı. Soñraq, tatar milli xäräkäte, respublikanıñ Atom-töşkä qarşı xäräkäte belän berlektä, tözeleşkä qarşı çıqqaç, Tatarstan Yuğarı Sovetı, tözeleşne tuqtatu turında qarar qabul itte. Ä tözelä başlağan şähärçektä xalıq eşsez aldı. Atom stansiäsen tözü ideyäsen yaqlap çığuçılar, şunı da istä tota. Yäğni, distä meñnän artıq xalıq yäşägän şähärçek xalqına eş bulaçaq dilär. Foat Ğalimullin moña bolay añlatma birä

Qama alanında AЭS tözü öçen bik zur köç kertelde. Läkin eşneñ tuqtatılğanına da bit niçä yıllar. Bügen bu qaqşalğan, cimerelgän urında yañadan Atom-töş stansiäsen tözü üzebezgä üzebez bomba salıp quyu belän ber bulır.

Tatarstan parlamentınıñ Ekologiä, tabiği resurslar häm cir mäs’äläläre komitetı räise Rinat Abdullin, atom stansiäseneñ kiräklegen üzençä añlata. Ul, neft' betkän çorğa äzerlänergä kiräk, tağın un yıldan soñ, energiägä ixtıyäc 40 protsentqa artaçaq dip sanıy. Anıñ töp opponentı parlamentnıñ iqtisat, investitsiälär häm eşmäkärlek komitetı räise Marat Galiev. Ul Däwlät Şurasında Tatarstan-yaña ğasır fraksiäse citäkçese dä. Düşämbedäge cıyılışta ul üzeneñ qaraşın tağın ber qat belderde

Yuğarı texnologiälär belän eşlägän oçraqta bez şul köçlär kertep tä valovоy doxod yäğni barlıq keremne ike, öç, dürt tapqırğa da arttıra alabız. İkençedän, bezdäge energetikanıñ 50 protsentı bügenge köndä ğämäldä tügel, çönki energiägä ixtıäc bik yuq.

Tatarstan yäşlär xäräkäte atom-töş stansiäsen tözü mömkin digän süzdän soñ uq çañ qaqtı. Bu faciğağä kiteräçäk dip belderde. Bu süzlärgä deputatlar da, düşämbedä qarşı çıqtı. Ber öleşe, älbättä. Läkin, alar bit üzläre ük berençe uqılışta qabul itkännär ide, tözü mömkin digän matdäne. Ällä monısı inde, şundıy möhim mäsäläne quyırtıp, başta rizalaşıp, annarı qarşı kilep, säyäsi uyın uynaw? Saylawlar da yaqınlaşa bit. Niçek kenä bulmasın, mäs’äläneñ çişeleşe parlamentnıñ aldağı utırışında.

Räfis Cämdixan, Al'bina Zäynulla

XS
SM
MD
LG