Accessibility links

шимбә, 10 декабрь 2016, Казан вакыты 00:13

Rusiä prezidentına nindi soraw birer idegez?


Qazannıñ üzäk uramnarında ütkärelgän soraştıruda studentlar, urta häm ölkän yäştäge keşelär qatnaştı. Azatlıq xäbärçese alarğa “Ägär dä mömkinçelegez bulsa, Vladimir Putinğa nindi soraw birer idegez?” digän soraw belän möräcäğät itte. Cawap birüçelärneñ küpçelege Rusiä Prezidentına sotsial' ölkägä qağılışlı sorawlar birde.

“- Byudjet sistemasında eşläwçelärneñ xezmät xaqın kütärü barıp çığarmı?

- Studentlarnıñ stipendiälären qayçan arttırırlar mikän?

- Studentlarnıñ tulay toraqlarında yäşäw şartları qayçan yaxşıra?

- İñ möhime ildä tärtip urnaştırığız. Başqa äyter süzem yuq.

- Uqıp betergän studentlarğa eşkä niçek urnaşırğa, elekkege kebek eş bülüne kire qaytarıp bulmas mikän?”

Şulay da qayberäwlär Putin belän oyıştırılğan turı elemtägä citdi qaramawın häm üzgäreşlärgä dä ışanmawın äytte.

“ -Min berkemgä dä ışanmıym, bu bötenese dä kürsätmä genä.

- Bezneñ ikençe köngä ışanıç yuq. Bäyälär kön sayın kütärelä, ä xezmät xaqı şul kie tora. Minemçä, bu turı elemtälär xalıqnıñ başın qatıru öçen uylap çığarılğan. Yıl sayın bula inde ul, faydası närsädä soñ anıñ? Ğomumiläşterep sorawlarğa cawap birälär dä bette.”

Sez Qazannıñ üzäk uramnarında ütkärelgän soraştıru belän tanıştığız.

Gölnaz Şäyxetdinova

XS
SM
MD
LG