Accessibility links

чәршәмбе, 7 декабрь 2016, Казан вакыты 15:40

Tälğät Bariev: Putinnıñ xalıq belän aralaşuı – PR çarası


Prezident Vladimir Putinnıñ Rusiä xalqı belän aralaşuı, alarnıñ sorawlarına turı efirda cawap birüe Tatarstanda bik zur qızıqsınu uyattı, dip äytep bulmıy. Ğadi xalıq qına tügel, xätta bez soraşqan küp kenä säyäsät belgeçläre, ğalimnär dä prezidentnıñ 3 säğät däwamında xalıq moñ-zarların tıñlap, alarğa mönäsäbät kürsätep, ilneñ kiläçäge turında fikerläwen tıñlap utırmağannar. Kemder awırıp tıñlamağan, qaysıdır eş buyınça televizor aldında utıra almağan. Älege söyläşüneñ formal’ räweştä barıp, bernindi dä ähämiätkä iä bulmawın da säbäp itüçelär dä buldı. Xäyer, bu oçraqta iskärmälär dä yuq tügel. Mäsälän, milli xäräkät wäkilläre arasında Putinnıñ çığışın iğtibar belän tıñlawçılar bar. Şularnıñ berse – Tatar ictimaği üzäge räise Tälğät Bariev. Anıñ bu xaqta fikerläre menä nindi.

Min Vladimir Putinnıñ xalıq belän aralaşuın yıl sayın küzätep baram. Minemçä, älege çara – prezidentnıñ töşep bara torğan reytingın kütärü öçen eşlänelä. Soñğı aralarda, Beslan faciğäse, başqa şundıyraq waqiğalar arqasında anıñ reytingı şaqtıy kimede. Älege söyläşüneñ ällä ni ähämiäte dä yuq, ul barı tik PR çarası ğına. Prezidentnıñ äytkän süzläre belän ğämälläre bik yış qına turı kilmi. Şuña kürä, turıdan-turı elemtädä ni genä yañğıramasın, min zur üzgäreşlärgä ömetlär bağlamıym

Tälğät Bariev Vladimir Putinnıñ Rusiä xalqı sorawlarına turı efir barışında cawap birüe turında menä şundıy fikerdä tora.

Gölnaz İlgizär

XS
SM
MD
LG