Accessibility links

пәнҗешәмбе, 8 декабрь 2016, Казан вакыты 08:59

Ölkännär köne uñayınnan 100 yäsleklärgä genä aqçalata yärdäm bula


Tatarstanda Ölkännär könenä äzerlek eşläre bara. Düşämbe könne ölkännär öçen cawaplı şähär xakimiätläre, ä sişämbedä respublika ministrı bäyrämne ütkärü tärtibe turında xäbär birdelär. Qazanda ölkännär könenä bağışlap 10 könlek çaralar ütkärü planlaştırılğan. Şuşı waqıt öçendä xakimiätlär ölkännärgä buşlay konsert kürsätäçäk, 1000 yıllıq medal’lären tapşıraçaq. Qazan televideniese kürsätkänçä, ölkännär aqçalata büläklärgä ömet itkän bulğan, ämma aqçalata yärdäm 100 yäşne ütkän keşelärgä genä bireläçäk ikän. Bolar xaqında Qazannıñ şähär sotsial yaqlaw idäräse xäbär itte. Ä sotsial yaqlaw ministrlığı Tatarstannıñ här rayonında bulğan çaralar belän tanıştırdı, az keremle ğailälärgä matdi yärdäm kürästeläçäk, Bawlıda internat-yort, Aznaqayda sotsial xezmät kürsätü Üzäge açıla ikän, dip xäbär itä internat agentlığı. Här rayon üzeneñ mömkinleklärennän çığıp, ölkännär könen ütkäräçäk, dide ministr Klavdiä Novikova. Ölkännär köneneñ saylaw aldı kampaniäsenä turı kilüen iskä alsaq, ölkännärneñ nämzätlär tarafınnan iğtibarsız qalmawın farazlarğa bula. Tatarstan xalqınıñ 20% pensiä yäşendä dip isäplänä. Bu 750 meñ keşe.

Bikä Timerova

XS
SM
MD
LG