Accessibility links

Кайнар хәбәр

Hamas İzrail keşesen urlap ütergän


Könbatış Yarda düşämbe könne mäyete tabılğan ber İzrail keşesen urlap soñınnan üterü öçen cawaplılıqnı üz östenä fälestinnärneñ Hamas suğışçıları oyışması aldı. Hamasnıñ suğışçan qanatı, Ezzedine al-Qassam Brigadaları mäğlümatenä qarağanda, başta Sasson Nouriel adlı bu keşene fälestin totqınnarına almaştıru planı bulğan, ämma Könbatış Yarda İzrailneñ qulğa alu kampaniäse başlanğaç, fälestin suğışçıları anı ütergän. Uzğan töndä Könbatış Yarda tağın 82 suğışçı qulğa alındı. İzrail Gaza sızığında fälestin suğışçılarına qarşı xärbi çaralarnı däwam itäçägen belderde. Hamasnıñ raketa höcümnären tuqtatuı turındağı belderüenä qaramastan, İzrail saqlanu ministrı Şaul Mofaz moña ışanmağanın, häm xärbi çaralarnı däwam itäçäklären äytte.
XS
SM
MD
LG