Accessibility links

җомга, 9 декабрь 2016, Казан вакыты 14:35

AQŞ Ändicandağı kütäreleşkä yärdäm itmägän


Üzbäkstannıñ Ändican şähärendä may ayında bulğan xalıq kütäreleşen oyıştıruda ğäyeplänep mäxkämä aldına basqan 15 keşeneñ berseneñ, Quşma Ştatlarnıñ Taşkenttağı ilçelege matdi yärdäm kürsätte digän süzlären Amerikanıñ däwlät departamentınıñ matbuğat wäkile Sean McCormack kire qaqtı. Mondıy ğäyepläwneñ nigeze yuq, dide ul:
>"Ändicanğa bulğan böten xörmätebez belän bez äle dä bäysez tikşerü taläp itäbez. Xällärgä ilçelekneñ qatnaşu ixtimalı turında moñarçı da xäbärlär buldı, ämma alarnıñ nigeze yuq," dide AQŞ wäkile.

McCormack tağın ber tapqır Ändicandağı qan qoyuğa bäysez tikşerü täläp itte. Şulay uq Amerika Quşma Ştatları, Äfğanstandağı çaraları öçen Üzbäk xärbi köçläre belän xezmättäşlekne saqlap qalu öçen respublikada keşe xoquqları bozıluına küz yomıp tormayaçaq, dide. Yül ayında amerikan yağı Ändican waqiğälären tikşerüne täläp itä başlağaç Üzbäk räsmiläre AQŞ xärbi köçlärenä Qarşı-Xanabad xärbi hawa bazasında eşlären tämamlarğa quşqan ide. Älege mäsälä bu könnärdä Taşkentqa barğan AQŞ däwlät sekratere urınbasarı Dan Fried häm üzbäk citäkçeläre arasında bulaçaq söyläşülärdä kütäreler dip kötelä.

XS
SM
MD
LG