Accessibility links

шимбә, 10 декабрь 2016, Казан вакыты 10:08

Helsinki häm Peterburda Xäydär Bigiçev festivale


Alıştırğısız keşelär bulmıy disälär dä, bula şul. Räşit Vahapovnıñ urını buş- alıştırır keşe yuq.Unikal' şäxes, unikal' cırçı Xäydär Bigiçevnı alıştırırlıq keşe bulırmı, bulsa da, niçä distä yıllardan soñ kiler- anısın ber alla belä.Ämma şunısın äytep bula: tatar säxnäseneñ Xäydär Bigiçev bilägän urınında buşlıq...Tik şulay da magnit tasmalarında, tıñlawçılar küñelendä yaqtı istälek bulıp anıñ cırları, qabatlanmas moñı qaldı.

Bıyıl mäşhür cırçıbızğa 55 yäş tulğan bulır ide. Şul uñaydan Peterburgnıñ iñ yaxşı konsert zallarınıñ berse- Derviz yortında- cır festivale uzdı. Märxümneñ tuğrılıqlı tormış iptäşe Zöhrä xanım Säxäbieva oyıştırğan bu festival'dä Ufa, Qazan artistları belän bergä Peterburgnıñ Mariinka teatrı solistları Sufiä Yälışewa, Timur Abdikeev, konservatoriä aspirantı Elina Şihabetdinova da qatnaştı.

Festival'dä Xäydär Bigiçevnıñ Zöhrä xanım börtekläp cıyğan yazmalarınnan tözelgän kompakt- disklarnı täqdir itü dä buldı.Artistlarnıñ säxnädäge çığışları Xäydär Bigiçevnıñ videoyäzmaları belän aralaşıp tordı.

Älbättä, tıñlawçılar festival'neñ baş oyıştıruçısı Zöhrä xanım Säxäbievağa räxmätle. Tänäfes waqıtında tamaşaçılarnıñ "cannar ğına tügel, tännär dä çımırdıy bu cır-moñnardan" digänen üzem işettem.Zöhrä Säxäbievanıñ Peterburgta häm ber atna elek Xel'sinkida uzğan festival'lär turındağı tä'soratları sezgä dä qızıqlı bulır dip uylıym.(audio)

Monısı inde konsertta qatnaşuçı İlham Väliev häm Ferdinand Säläxovnıñ mäşhür cırçıbız turındağı fikerläre (audio)

Festival'neñ uñışlı uzuında Peterburgta yäşäwçe millättäşebez Älfiä Räxmätullinanıñ da öleşe zur, älbättä. Tik şunısı qızğanıç, Xäydär Bigiçev icatına mökkibän kitkän meñnärçä millättäşlärebez çittä torıp qaldı-Derviz yortınıñ konsert zalı yözläp kenä keşe sıydıra.

Gölzadä Kamalova, Sankt-Peterburg

XS
SM
MD
LG