Ölkännär köne aldınnan, pensionerlarda iğtibar arta. Xakimiätlär, ölkännärne qayğırtu yunäleşendä eşlägän eşlär turında xisaplar tota. 27nçe sentäberdä Veterannar Plenumı ütte. Anda Veterannar oyışmaları wäkilläre belän, xakimiätlär isemennän, xökümät räise urınbasarı Rawil Moratov, aralaştı. Ul sorawlarğa cawap birde, ölkännär süzenä qolaq salırğa, kiläçäktä dä gel yärdäm itep torarğa wäğdä itte. Veterannar da, citäkçelekkä gel teläktäşlek kürsätep kilde, ämma bıyıldan başlap, taşmalamalarnı beterü turındağı 122nçe federal qanun, pensionerlarnıñ xakimiätkä mäxäbbäten kimette.
Ölkännärneñ xäle häm 112nçe federal qanun näticäläre turında respublika veterannarı şurası räise urınbasarı Wağiz äfände Malixov belän äñgämä qordıq. Anıñ äytüençä, veterannar şurası tatarstanda ütkärelgän säyästne yaqlıy, ämma taşlamalarnı aqçağa äyländerü qanunı belän dä küplär qänäğät tügel.
Wağiz Malixov:Bezneñ Respublikada 960 meñnän artıq veteran bar. Alarnıñ kübese bik täcribäle, küp xezmät quyğan keşelär. Häm alar ölkännär könen bik kötep alalar. Bu bäyräm yuğarı äzerlek belän ütkärelä. Härber rayonda veterannarnı cıyıp, maxsus räweştä alarnı qabul itälär. Bikä Timerova: Pensionerlar niçek yäşi? Aşarlarına citäme? Wağiz Malixov: Respublika buyınça urtaça pensiä xaqı 2412 sum, Qazan buyınça 2608 sum, yäşäw minimumı – 1952 sum. Menä şunnan tübän aluçı bezneñ 200 meñ pensioner bar. Munitsipal' saylawlar mäs’äläsendä bez ictimaği oyışmalar çittä qala almıy. Bezneñ bit böten pensionerlar täcribäle keşelär häm alar qatnaşa. Bez Respublikadağı säyäsätne yaqlıybız. Bikä Timerova: Sez nindi partiägä teläktäşlek kürsätäsez soñ? Wağiz Malixov: Bez bernindi partiägä dä kermibez. Törle partiälärdän kersälär bigräk äybät, çönki eşlärgä ciñel bula. Bikä Timerova: Xäzer sez kemnär belän eşlisez? Wağiz Malixov: Älegä bez ber partiäne dä yaqlamıybız. Kübese Berdäm Rusiägä kerälär, çönki ul köçle partiä. Bikä Timerova: Ä kommunistlarğa niçek qarıylar? Wağiz Malixov: Qomutistlar bit alar mäs’äläne üzlärençä quyalar, tänqit bulırğa tieş bit inde. Dönya ber yunäleştä genä barmıy bit. Bikä Timerova: Manitizatsiä turında qanun eşli başlağaç, veterannar mitinglarğa çığa başladı, alar arasında sezneñ keşelär buldımı?SEz mondıy uramğa çığularnı yaqlıysızmı? Wağiz Malixov: Şähär rayonnar arasında buldı. Veterannar şurasında älege zakonnı kütärep çıqtılar, küplär anı yaqlamadılar. Kübeseneñ iñsäsenä suqtı. Kübese transport çığımnarın kütärä almıy, subsidiälärne kübese ala almıy. Şuña xalıqta qänäğätsezlek tuıp tora. Bikä Timerova: Bu mäs’älälärne quyabız disez. Çişeläme soñ alar ? Wağiz Malixov: Aqrınlap çişelä. Azraq xoqümät tä yärdäm itä. Küp äyberne monda Tatarstan Respublikasınıñ üzeneñ qararın qabul itep tora.Ul ayırım keşelärgä tüläp tora. Annan soñ bezneñ urınnarda sotsial' yaqlaw ministrlığınıñ strukturaları bar. Alar yärdäm itä. Ayırım moxtac keşelärgä yal itü yullamaları birelä başlandı. Bikä Timerova: Kiçä sez Putinnıñ xalıq belän aralaşuın tıñladığızmı, sez nindi fikerdä? Wağiz Malixov: Bik matur häm döres söyli. Menä ul manitizatsiä kiräk dip äytte. Döresen döres tä, läkin ul qayber yunäleştä keşeneñ tormışına suqtı. Anı äytmi anıñ xäle yuq. Böten keşe dä pensiä alıp, böten keşe l'gotıylar alıp, yartı il l'gota ala başlasa eşläwçe anı tä'min itä almıy bit.
Bikä Timerova
