Tatarstannıñ Yuğarı mäxkämäsendä cämäğät möxkämäse äğzaläre ağımdağı yılnıñ 8 ğınwarında Bögelmä gaz ütkärgeçe şartlatuda ğäyeplängän 3 keşene aqlaw qararın qabul itte. 42 yäşlek Rawil Ğömärov, 40 yäşlek Fänis Şäyxetdinov häm 30 yäşlek Timur İşmoratov Rusiä cinäyätlär kodeksınıñ 205nçe mäddäseneñ 3nçe öleşe, terrorism häm 222nçe mäddäse – qoral häm şartlatqıçlarğa qanunsız räweştä iä buluda ğäyepläw belderelgän ide. Xökem eşe 13 sintäber könne başlanğan ide. Älege 3 keşe mäxkämä zalınnan uq irekkä çığarıldı. Bu mäğlümatlärne bez tatar-inform häm intertat.ru mäğlümat agentlıqlarınnan aldıq. İrtägä bezneñ Tatarstandağı xäbärçelärebezdän bu xaqta tulıraq mäğlümat bulır.
