Accessibility links

сишәмбе, 6 декабрь 2016, Казан вакыты 11:12

Sverdlovski ölkäsendä uqıtuçılar bäygese


Sverdlovski ölkäsendä tolerantlıq kul'turasın üsterü buyınça Rusiä-Germaniä urtaq proyektı eşe kiñ qolaç aldı. Älege proyekt qısalarında bu könnärdä Sverdlovski ölkäse mäğärif ministrlıysında Germaniädän kilgän belgeçlär qatnaşında kiñäşmä bulıp uzdı. Kiñäşmädä balalarda mäktäp yäşennän ük tolerantlıq kul'turasın tärbiäläwgä bağışlanğan uqıtu ısulları eşkärtmäläre tözü buyınça uqıtuçılar arasında iğlan iteläçäk bäyge turında nigezlämä tikşerelde.

Älege nigezlämä buyınça bäygedä qatnaşaçaq eşlär balalarğa küpmillätle ölkä xalqınıñ etnik, dini, mädäni törlelegen öyrätüne, uqıtuçılarnıñ da, uquçılarnıñ da, ata-analarnıñ da tolerant añın üsterüne, üzara xörmät, teläktäşlek, duslıq xisläre tärbiäläwne küzdä totıp başqarılırğa tieş. Sverdlovski ölkäse mäğärif ministrlığı baş belgeçe Natalya Kazakova äytüençä, tolerantlıq kul'turasın üsterü däresläre sistemağa salınıp, daimi räweştä alıp barırlıq metodika buyınça oyıştırılırğa tieş.

Älege metodika eşkärtmäläre buyınça uqıtuçılar arasındağı bäyge oktäberdän mart ayına qädär däwam itäçäk. Mart ayında bilgele bulğan öç ciñüçe Germaniägä stajirovkağa baru mömkinçelegenä iä bulaçaq.

XS
SM
MD
LG