Qazan şähärenä meñ yıl tulunı bäyräm itü waqiğası cir yözendä yäşäwçe ber genä tatarnı da bitaraf qaldırmadı. Krasnoufim rayonı tatarları milli-mädäni avtonomiäse citäkçese Räsimä xanım Safina, küptän tügel Yekaterinburg şähärendä eşläp kilüçe Milli Media-Xolding citäkçeläre belän oçraşu waqıtında şulay dip belderde. Räsimä xanım Sverdlovski ölkäsendä urnaşqan tatar awıllarında yäşäwçe xalıq, bigräk tä balalar, bäyräm tantanaların uzğan yıl tatar eşmäkärläre yärdämendä urnaştırılğan sputnik tälinkälär arqılı bik qızıqsınıp küzättelär dip söyläde. Biredä tuıp, biredä üskän tatar xalqı arasında ber genä tapqır da Qazannı barıp kürmäwçelär küp. Qazan belän ike aranı ber yaqtan Yaña ğasır kanalı yaqınaytsa, ikençe yaktan matbuğat yaqınayta ala.
Küptän tügel Krasnoufim qalasında bulıp kitkän “Qazan” jurnalı redaksiäse belän oçraşunı bik qızıqlı itep söyläde Räsimä apa. “Qazan” jurnalı redaksiäse xezmätkärläre belän oçraşuda xakimiät citäkçeläre, uqıtuçılar, mädäniät bülekläre xezmätkärläre, kitapxanäçelär häm kiñ cämäğätçelek qatnaşqan. Tatar xalqınıñ iñ söyekle qalası bulıp isäplängän şähär dönyasın törle yaqlap yaqtırta torğan bay eçmälekle, matur bizäleşle bu jurnalnı alırğa teläweçlär küp tabılğan. Bigräk tä kitapxanäçelär häm mäktäp uqıtuçıları qızıqsınğan bu jurnal belän. Räsimä Safina tatar awılları mäktäpläreneñ tatar kitaplarına bulğan ixtıäcın öyränep, Qazannan kitaplar qaytartırğa häm tatar tele uqıtılğan mäktäplärgä waqıtlı matbuğat yazdırırğa bulışunı sorap möräcäğät itte.
Fäwiä Safiullina, Yekaterinbur
Küptän tügel Krasnoufim qalasında bulıp kitkän “Qazan” jurnalı redaksiäse belän oçraşunı bik qızıqlı itep söyläde Räsimä apa. “Qazan” jurnalı redaksiäse xezmätkärläre belän oçraşuda xakimiät citäkçeläre, uqıtuçılar, mädäniät bülekläre xezmätkärläre, kitapxanäçelär häm kiñ cämäğätçelek qatnaşqan. Tatar xalqınıñ iñ söyekle qalası bulıp isäplängän şähär dönyasın törle yaqlap yaqtırta torğan bay eçmälekle, matur bizäleşle bu jurnalnı alırğa teläweçlär küp tabılğan. Bigräk tä kitapxanäçelär häm mäktäp uqıtuçıları qızıqsınğan bu jurnal belän. Räsimä Safina tatar awılları mäktäpläreneñ tatar kitaplarına bulğan ixtıäcın öyränep, Qazannan kitaplar qaytartırğa häm tatar tele uqıtılğan mäktäplärgä waqıtlı matbuğat yazdırırğa bulışunı sorap möräcäğät itte.
Fäwiä Safiullina, Yekaterinbur
