Accessibility links

шимбә, 3 декабрь 2016, Казан вакыты 01:35

Ğosman xäzrät İsxaqi yul häläkätenä oçradı


Çärşämbe kiçendä Tatarstan möselmannarı Diniä näzaräte räise Ğosman xäzrät İsxaqi häm anıñ cämäğäte Güzäliä xanım yul häläkätenä oçradı. Ğosman xäzrätneñ maşinası Borovo Matyuşino – Qazan yulında urmannan kilep çıqqan poşi belän bäreleşkän, dip xäbär itä tatarinform agentlığı. Qazannıñ respublika klinik xastaxanäse baş tabibı urınbasarı belderüençä, Ğosman xäzrätneñ xäle älegä awır, läkin yaxşıruğa taba bara. Güzäliä häm Ğosman İsxaqovlarnıñ tizdän ayaqqa basaçağına ömet bar.

Pänceşämbe könne matbuğatta tağın ber küñelsez xäbär taraldı. Mäskäwdä “Misteriä zvuka” kompaniäseneñ general' direktorı, käsepçe Ayrat Şäripovnıñ üterelüe Tatarstan cämäğätçelegen dä tañ qaldırdı. Çönki bu Tatarstandağı “Sozidanie” ictimaği xäräkäte liderı Ayrat Şäripov ta bulırğa mömkin ide. Xoquq saqlaw orğannarı xäbär itkänçä, 33 yäşlek Ayrat Şäripov çärşämbe kiçendä üz şirkäte yanında bilgesez keşe tarafınnan atıp üterelgän. Başına öç tapqır yaralanğan käsepçe şunda uq fani dönya belän xuşlaşqan. Üterü buyınça cinayät eşe quzğatılğan dip xäbär itte tatarinform agentlığı. Läkin berniçä säğättän soñ “Sozidanie” xäräkäte liderı, käsepçe Ayrat Şäripovnıñ isän buluı açıqlandı. Bu turıda agentlıqqa Ayrat Şäripovnıñ änise Saimä xanım xäbär itkän. Mäskäwdä üterelgän keşe isä Tatarstan ictimaği xäräkäte liderı belän barı tik ber ük isem-familiägä genä iä bulğan.

Al'bina Zäynulla

XS
SM
MD
LG