Accessibility links

Кайнар хәбәр

Tömändä Ölkännär köne


Tömän şähärendäge iñ küp keşe bula torğan tuqtalışlarnıñ berse “Medobarodovanie” ostanovkası. Awıllardan kilgän avtobuslar monda keşelärne töşerä. Yänäşäsendä genä ike zur şirkät: meditsina cihazları eşläw berläşmäse häm KSK- tuqıma tuqu fabrikası bar. Eşkä kitüçelär, qaytuçılar bu tuqtalıştan berqayçan da özelmi. Xädiçä apa här könne şuşı tuqtalışqa çığıp utıra. Urını da caylı anıñ: cildän saqlanıp gazetalar sata torğan kioskqa terälep ük utıra ul. Tawarın: quırğan könbağışnı, sigaretlarnı häm başqa waq töyäkne zur bulmağan ärcä östenä tezep sala.

Bu “Medoborudovanie” tuqtalışı Tömän şähäreneñ avtovokzalı yanında. Avtovokzalğa atlıy torğan yul östendä milli audio-wideo yazmalar belän säwdä itä torğan vagonçıq bar ide. Bäräkät, işege yabıq ikän. Kürşe-tiräsendäge uram säwdägärläre: “Apağız avtovokzal eçenä küçte”,- dip äytte. Çınnan da Daniä apa Soldatikovanıñ kibete bu “şähär qapqası”nıñ ikençe qatına urnaşqan. (audio: Ölkännär köne)

Avtovokzaldağı Daniä apanıñ milli äyberlär kibete irtänge 9 dan kiçke 6 qädär açıq. Monda kilep canığız telägän audio-video tasmanı, çitek- käläpüşlär, tarixi kitaplar, dini äyberlär dä satıp alırğa mömkin.

Nail Alan, Tömän

XS
SM
MD
LG