Accessibility links

сишәмбе, 6 декабрь 2016, Казан вакыты 17:10

Tatarstan uqıtuçıları da internet kiñäşmädä qatnaşa


Bu könnärdä, internetçılar, ayırım alğanda, dönya päräwezenä totaşqan mäktäplärdäge uqıtuçılar, internettağı uqıtuçılar kiñäşmäsen küzätep utırdı. Böten virtual söyläşülär www.pedvoset.org digän säxifädä bardı. Bu proektnıñ avtorları yazğança, 2000 nçe yıldan birle barğan internet uqıtuçılar söyläşüe, bıyıl başqa tärtip belän uzdırıla. Aldağı yıllarda, fänni-prakitik konferensiäsezlärneñ ber seksiäse genä internetta barsa, bıyıl, pedsovet internet proyektlar festivale itep uzdırıla ikän.

www.pedsovet.org saytı xäbär itkänçä, söyläşülär , forumda, problemalarnı tikşerü räweşendä bara. Mäsälän, forumğa mäktäp häm belem birü oyışmalarında grantlar birü tärtibe turında dokument quyıldı häm anıñ tiräsendä söyläşülär bardı. İnde könneñ ikençe yartısında, komputer qarşında belgeçlär utırıp, Rusiäneñ törle töbäklärennän cıyılğan uqıtuçılar sorawlarına cawap birde. Mäsälän, uqıtuçılar belemen kütärü akademiäse başlığı Eduard Nikitin sorawlarğa cawap birgän. Soraw birüçelär arasında Tatarstan keşeläre dä buldı. Rusiä uqıtuçılarınıñ, şul isäptän Tatarstan möğälimnäreneñ dä aralaşuı turında mäğärif ministrlığınıñ belem birüne mäğlümatlaştıru bülege başlığı Rail Ğataullin belän äñgämä qordıq. Anıñ äytüenä qarağanda, qatnaşqan keşelärneñ 15% Tatarstannan bulğan. Milli mäğärif turında sorawlar birelmägän. Tatarstan mäğärif ministrlığınıñ belem birüne mäğlümatlaştıru bülege başlığı Rail Ğataullin bezgä tağın, tatarstan mäktäpläreneñ eçke çeltären tözü eşläre turında söyläde. İntertatqa totaşqan 1500 mäktäp bulırğa tieş ide, ämma qayadır telefon stansiäläre sanlılarğa küçep betmägän, qayadır telefon elemtäse naçar bulğanğa kürä, älegä mäktäplärneñ eçke çeltärenä 1150 mäktäp kenä totaşqan. Yıl axırına qädär respublika kompyuter çeltärenä qalğan 500 mäğärif yortı da kerergä tieş, dip xäbär itte ministrlıq wäkile. İnde xäbär itkänebezçä, Tatarstan mäğärif ministrlığı mäğärif partalın açtı. Ul edu.kzn.ru ru adresında urnaşqan. Säxifädä uqıtuçılar öçen kiräkle mäğlümatlar urnaştırılğan anda, ämma älegä urıs telendä genä. Tatar tele uqıtuçıları häm tatar mäktäpläre öçen materiallar yaqın könnärdä kürenäçäk, didelär mäğärif ministrlığında. Adreslarnı qabatlıym, internet kiñäşmä www.pedsovet.org säxifäsendä bara. Anda 5 oktäberdä, mäğärif ministrı Andrey Fursenkoga da soraw birergä mömkin bulaçaq. Tatarstan mäğärif partalın edu.kzn.ru saytınnan tabarsız, ä mäğärif ministrlığı internetta www.tatedu.ru saytında urnaşqan. Axırdan berniçä qısqa xäbär

Aqtanış rayonınıñ Boğadı urta mäktäbe dä internetqa çıqtı. Ul Aqtanış rayonınıñ mäğärif portalı digän internet säxifädä ber bülek alıp tora. Adresı edu.aktanish.ru/school/bugadi/ . Bu säxifä, mäktäp yañalıqları, uqıtuçılar, uquçılar mäktäptä uqığan tanılğan keşelär, baqça räsemnäre, ütkärelgän çaralar turında söyli. Bar tekstlar tatar telendä birelgän, mäktäptäge çaralar ta tatarça ütä ikän. Aqtanış rayonıñ mäğärif partalı isä, kiresençä, gel urısça ğına mäğlümatlardan tora. Biredä cıyılışlar, bäyrämnär turında belderülär, rayonnıñ mäğärif oyışmaları turında mäğlümatlar urısça ğına yazılğan. Belgänegezçä, partal, dip başqa saytlarğa çığu yulları bulğan bay häm mäğlümatlı säxifälärne atıylar. Aqtanış rayonı mäğärif partalı belän tanışırğa teläsägez. edu.aktanish.ru adresında urnaşqan säxifäne tabarğa kiräk.

Bikä Timerova.

XS
SM
MD
LG