Accessibility links

шимбә, 10 декабрь 2016, Казан вакыты 10:03

Äbilär çuağı ozaqqa bulırmı?


“Кomsomol'skaya pravda” gäciteneñ 30 sentäber sanında “Äbilär çuağı tağın 10 köngä totqarlanaçaq”- digän yazma basılğan. Älege gazetanıñ jurnalistı Yuliä Smirnova Rossiäneñ gidrometeorologik üzäkneñ direktorı Roman Vil'fandqa - “Rusiädä sentäber ayı ğädättägedän cılı kilde. Närsä bu – global' cılınu küreneşeme ällä inde ozaqqa suzılğan äbilär çuağımı?” – digän soraw belän möräcäğät itä. Roman Vil'fand äytüençä Rusiäneñ barlıq töbäklärendä diärlek sentäber ayındağı urtaça temperatura ğädättägedän 2 gradusqa, Yaqutiädä xätta 4 gradusqa yuğarı. Bu küreneşneñ xikmäte atmosferada barğan protsesslarğa bäyle. Skandinaviä yaqlarınnan kilgän antitsiklon ütkän atnada uq bezneñ kiñleklärdä urnaşıp, üzenä yaqın bulğan Ural artı antitsiklonı belän quşıla. Näticädä Rusiä kiñl

kiñleklärendä eklärendä yuğarı atmosfera basımı, qorı häm cılı hawa urnaşa. Yawım-töşem alıp kilüçe siklonnarda bezneñ kiñleklärne älegä äylänep ütärgä mäcbürlär – di Mäskäwneñ gidrometeorologiä üzäge direktorı Roman äfände.

Tatarstannıñ gidrometeorologik üzägendä közge hawa torışı turında ni uylıylar ikän? Bu xaqta beler öçen bez meteorologik farazlar bülege citäkçese Roza Şäfikovağa möräcäğät ittek. Xäzer anı tıñlap kitik:

- 19 sentäberdän Tatarstanda yuğarı atmosfera basımı tä'sirendä äbilär çuağı urnaştı. Berençe atnalarda beraz salqınça bulsa, xäzer isä hawa temperaturası kütärelde. Temperatura küpyıllıq ğädäti normalardan da artıp kitte. Bezneñ uylawıbızça cılı hawa kiläse atnanıñ urtalarına qädär bulaçaq.

Közneñ cılı, qoyaşlı könnären äbilär çuağı dip äytälär. Ä bezneñ äbilärebez bu xaqta närsä diärlär ? Qazanda yäşäwçe 67 yäşlek Camal äbigä “Köz äybät kilde kilüen, ä qış nindi bulır ikän? Şähär qırıyında baqçağız da bar, ağaçlarnı, böcäklärne küzätep farazlıy almıysızmı?- digän soraw belän möräcäğät ittek.

- Qırmısqalar bıyıl işeklären tön'yakqa tügel, ä kön'yakqa yasağannar, dimäk qış salqın kilä.

- Camal äbi, bıyılğı kebek qoyaşlı, cılı közlär elegräk yış buldımı?

- Bula ide, läkin siräk. Közlär yañğırlı, salqın bula ide. Xäzer andıy köz yuq.

Balıq bistäsennän Mädinä äbi isä süzen sınamışlardan başladı:

- Ağaçnıñ yafrağı asqı öleşennän ük sarğaya başlasa köz ozın kilä dilär.

- Mädinä äbi, bıyıl bit äle qayber almağaçlar da közen ikençe qat çäçäk attılar, bu xaqta sez ni äytersez?

- Közneñ irtä kilüenä yurıylar inde anı. Cılı hawa bulu eşlärgä xalıq öçen äybät, ägär yañğır ausa cir dımğa tuq bula inde.

Bu Balıq bistäsennän Mädinä äbi fikere ide. Mäskäw sinoptikları isä äbilär çuağın 9 oktäbergä däwam itär dip äytälär. Ä annan soñ yañğır yawırmı, qar yawırmı ber Xodayğa mäğlüm.

Röstäm İsxaqi

XS
SM
MD
LG